España
O concurso de piropos en éuscaro de Ermua escolle os seus gañadores tras unha participación récord
O concurso anual de piropos en éuscaro celebrado en Ermua escolleu os seus gañadores, coa satisfacción de bater o récord de participación cun total de 185 piropos presentados.
Fonte: ABC
Un acto en Pamplona reivindica o dereito a vivir en éuscaro en Navarra
Nun acto organizado en Pamplona por Kontseilua, o Consello de Organismos Sociais do Éuscaro, reivindicouse o dereito da poboación navarra a vivir en éuscaro, para o que se necesita, entre outras cousas, unha modificación das leis actuais.
Fonte: EITB
Unha campaña no concello vasco de Pasaia busca promover a lectura en éuscaro
O Concello de Pasaia puxo en marcha unha nova campaña de promoción da lectura en éuscaro, coa que os lectores que acudan á biblioteca municipal e retiren un libro nesta lingua, recibirán un desconto na compra dun libro en éuscaro.
Fonte: Diario Vasco
Unha curtametraxe en asturiano recibe un premio no festival de cine rural de Saldaña
A curtametraxe“"A fiya del sastre", que está rodado en asturiano, recibiu un premio no festival de curtas Cine Rural de Saldaña, en Palencia.
Fonte: Asturnews
Xa está aberto o prazo de participación no Concurscat, o concurso de lingua e cultura catalás
O Conscurcat é un concurso de lingua e cultura catalás organizado polo Centro de Normalización Lingüística de Osona e que ten lugar en liña. Está aberto a todo o mundo e consistirá en responder a varias preguntas ao longo das semanas nas que terá lugar.
Fonte: Generalitat de Cataluña
Un informe destaca o baixo índice de lectura e de edición en valenciano
O Goberno valenciano aprobou un informe sobre a situación dos niveis de lectura e edición na lingua propia. Nel, pódese apreciar a situación crítica pola que pasa a literatura en valenciano, tanto en número de lectores como de títulos publicados.
Fonte: Las Provincias
O modelo educativo D, de ensino en éuscaro, é o máis demandado polos alumnos da zona mixta de Navarra
A maioría dos alumnos de colexios públicos da zona mixta de Navarra estuda no modelo D ou de inmersión en éuscaro, moi por diante da opción en castelán. En concreto, o 43 % dos alumnos de Primaria e o 40 % dos alumnos de ESO escollen a primeira opción.
Fonte: Noticias de Navarra
A cifra de libros en catalán vendidos no Día de San Jordi supera a dos escritos en castelán
As vendas de libros escritos en catalán superaron as da literatura en castelán na celebración do Día de San Jordi en Cataluña. En concreto, o 53,59 % dos libros vendidos eran en catalán, fronte ao 46,41 % en castelán.
Fonte: e-notícies
Unha vila valenciana decide dispoñer dun intérprete de lingua de signos en todos os seus plenos
A vila valenciana de Burjassot decidiu contar coa presenza dun intérprete de lingua de signos en todos os seus plenos municipais para poder traducir as sesións á lingua de signos e desta forma incluír as persoas con discapacidade auditiva.
Fonte: Horta Noticias
Unha nova plataforma reclama o dereito a recibir atención sanitaria en éuscaro
A plataforma Berdin Elkartea, que aglutina tanto a traballadores sanitarios como a pacientes, reclama o dereito dos vascos a recibir atención sanitaria en éuscaro.
Fonte: Noticias de Gipuzkoa
Boletín
Subscríbase ao boletín
