España
O catalán volverá ser requisito para poder ser funcionario no arquipélago balear
Unha modificación na Lei de función pública permitirá que o catalán volva ser un requisito para acceder a un posto de funcionario nas illas Baleares.
Fonte: ABC
A euscaldunización das persoas adultas convértese no reto dos euskaltegis
Os euskaltegis están a reforzar as certificacións dos niveis de éuscaro máis básicos, é dicir, o A1 e o A2, co obxectivo de chegar a ese 50 % de maiores de 40 anos que non ten coñecementos desta lingua.
Fonte: Noticias de Gipuzkoa
O Goberno vasco e o Organismo Público da Lingua Vasca asinan o acordo anual de colaboración entre ambas as institucións
O acordo entre o Goberno vasco e o Organismo Público da Lingua Vasca de Iparralde detalla as liñas de actuación en materia de política lingüística que se desenvolverán en 2016.
Fonte: Euskara
O servizo de tradución automática en liña Llengua Catalana traduce en 2015 máis de 12 millóns de palabras do occitano
Segundo a Generalitat de Cataluña, no ano 2015 foron atendidas máis de 220 000 solicitudes de tradución.
Fonte: Informativos Telecinco
O Concello oscense de Arguis solicita ser declarado zona de utilización histórica predominante do aragonés
O Pleno Municipal de Arguis aprobou demandarlle ao Goberno de Aragón a declaración como zona de utilización histórica predominante da lingua aragonesa.
Fonte: Heraldo
Os concellos recibirán axudas da Deputación de Valencia para fomentar o uso do valenciano
A Unidade de Normalización Lingüística da Deputación de Valencia prevé ofrecer doce programas para fomentar o uso do valenciano nos concellos da provincia.
Fonte: La Vanguardia
Ponse en marcha en Zamora unha campaña de dinamización do asturleonés
A comarca de Sanabria acolleu unha campaña de rotulación de locais públicos, organizada pola asociación El Teixu, que tiña como obxectivo facer visible o asturleonés nos espazos de socialización cotiá.
Fonte: iLeón
O servizo de consultas lingüísticas Optimot organiza un concurso en Twitter co gallo da celebración do San Jordi
Este concurso ten como obxectivo que as persoas usuarias unan creatividade e lingua catalán nun tuit para contar unha historia relacionada co día de San Jordi.
Fonte: Generalitat de Catalunya
A Generalitat de Cataluña subvenciona proxectos de entidades que fomenten o uso do catalán
O Departamento de Cultura acaba de abrir o prazo para que as entidades soliciten axudas para proxectos que impulsen a utilización do catalán.
Fonte: Generalitat de Catalunya
O Concello de Bilbao e a Real Academia da Lingua Vasca renovan o seu convenio de colaboración
Renóvase o convenio de colaboración entre a Real Academia da Lingua Vasca, Euskaltzaindia, e o Concello de Bilbao para fomentar o uso do éuscaro e velar pola súa calidade.
Fonte: Deia
Boletín
Subscríbase ao boletín
