España
Por primeira vez escóitase falar a lingua leonesa no Senado
Un senador valenciano foi o primeiro en utilizar a lingua leonesa na historia do Senado.
Fonte: El Economista
Reivindican a presenza da lingua asturiana na Radiotelevisión do Principado de Asturias
Iniciativa pol Asturianu presentou un informe no que analiza os dez últimos anos do ente público e no que realiza propostas lingüísticas e culturais.
Fonte: El Digital de Asturias
A ONCE e o Goberno vasco adaptan ao braille e ao sistema sonoro máis de 600 libros en éuscaro
O proxecto, realizado a través do persoal técnico da ONCE, contou coa subvención da Viceconsellería de Política Lingüística do Goberno vasco.
Fonte: Euskara
O Concello de Valencia aplicará cláusulas lingüísticas en todos os seus novos contratos
As empresas contratadas polo Concello de Valencia deberán cumprir, entre outras, unha cláusula lingüística pola que se comprometen a realizar en valenciano as súas comunicacións externas e co Consistorio.
Fonte: El Periodic
Un total de 36 concellos integra a Rede de Dinamización Lingüística de Mallorca
O proxecto, posto en marcha polo Servizo de Normalización Lingüística do Departamento de Cultura de Mallorca, busca dinamizar o uso da lingua catalá entre os concellos.
Fonte: La Vanguardia
Aumenta en Cataluña a lectura de libros en catalán, malia que o castelán continúa como lingua máis habitual de lectura
Segundo un estudo sobre os hábitos de lectura e compra de libros en Cataluña, case o 90 % dos lectores le ocasionalmente títulos en catalán, pero só é a lingua máis habitual para un cuarto destes.
Fonte: El Periódico
Un informe propón modificar os criterios dos exames de éuscaro para a obtención dos certificados oficiais
A Comisión de Seguimento de Validacións de Certificacións aconsella no seu informe orientar a revisión dos exames acreditativos e avaliar, principalmente, a capacidade comunicativa.
Fonte: El Mundo
Preséntase unha guía que persegue que os alumnos de Formación Profesional realicen as súas prácticas en éuscaro
Cristina Uriarte, conselleira de Educación, Política Lingüística e Cultura do Goberno vasco, insiste na importancia de unificar o proceso de aprendizaxe, o éuscaro e o ámbito laboral.
Fonte: Deia
Un proxecto da editorial Santillana publicará literatura xuvenil en lingua catalá
O proxecto conta cun catálogo inicial de 44 títulos para Cataluña, a Comunidade Valenciana e as Baleares.
Fonte: La Vanguardia
Case o 38 % das familias de Pamplona demanda o modelo de inmersión lingüística só en éuscaro nas escolas infantís
O Concello de Pamplona acaba de abrir dúas novas escolas en éuscaro, o que supón o 27 % da oferta das escolas infantís de 0 a 3 anos, cantidade insuficiente se se ten en conta que o 37,7 % das familias demanda o modelo só en éuscaro ou éuscaro-inglés.
Fonte: Noticias de Navarra
Boletín
Subscríbase ao boletín
