O Termcat e a Academia Valenciana da Lingua subscribiron un convenio de colaboración para desenvolver terminoloxía relacionada con diferentes ámbitos do coñecemento.

Fonte: ABC

Unha enquisa encargada por El Periódico revela que o 72,7% da poboación catalá considera que o catalán e o castelán deberían ser linguas oficiais nunha Cataluña independente.

Fonte: El Periódico

O documento ¿Y a partir de ahora qué? recolle as previsións do Goberno vasco sobre o futuro do éuscaro e conclúe que en 2013 case a metade da poboación vasca será falante desta lingua.

Fonte: El Diario

Arredor de 5000 persoas manifestáronse para pedir a oficialidade do asturiano, unha reivindicación á que este ano se sumaron representantes de oitenta concellos.

Fonte: Asturies.com

Este corpus multilingüe (Hizkuntzen Arteko Corpusa/Corpus Multilingüe Paralelo) será de grande axuda para profesionais cuxa ferramenta de traballo sexan as linguas (tradutores, docentes, escritores ou investigadores).

Fonte: La Vanguardia

Varias organizacións convocaron para o 4 de xuño unha manifestación en Pamplona contra a suspensión cautelar do cambio de modelo a éuscaro de dúas escolas infantís da capital navarra.

Fonte: Noticias de Navarra

O Concello de Vitoria-Gasteiz acorda subscribir un convenio de colaboración coa Real Academia da Lingua Vasca por valor de 60 000 euros, convocar o concurso “Gazte Sortzaileak” (18 000 euros) e subvencionar o impulso do éuscaro no comercio local (6000 euros).

Fonte: Noticias de Álava

A convocatoria de axudas vai dirixida a entidades e asociacións sen ánimo de lucro que realicen actividades culturais en éuscaro.

Fonte: Noticias de Navarra

Representantes de ambas as entidades participaron nun encontro cuxo obxectivo era achegar posturas acerca do conflito do valenciano que enfronta a estas dúas organizacións.

Fonte: Las Provincias

Presentouse a convocatoria de axudas públicas para prensa diaria escrita en lingua catalá, en soporte papel ou dixital.

Fonte: Menorca.info