España
O País Vasco proponse ofrecer un servizo de saúde bilingüe no prazo de cinco ou dez anos
A rede sanitaria vasca ofrecerá a posibilidade de elixir o éuscaro como idioma preferente nos próximos meses e será bilingüe nun prazo de cinco ou dez anos.
Fonte: El Diario Vasco
O Supremo anula unha orde da Generalitat que obrigaba os vixilantes de seguridade privada a identificarse en catalán
A orde da Generalitat obrigaba os vixilantes de seguridade privada a levar a súa placa identificativa só en catalán. O Tribunal Supremo confirma así a nulidade que xa establecera unha sentenza do Tribunal Superior de Xustiza de Cataluña.
Fonte: La Vanguardia
As empresas que incorporan o catalán no ámbito tecnolóxico xa poden solicitar as axudas convocadas pola Generalitat
As subvencións están destinadas ás empresas que incorporen o catalán aos seus produtos e servizos tecnolóxicos, así como ás que traducen obras non literarias a esta lingua.
Fonte: Generalitat de Catalunya
O Goberno de Cataluña impulsa a realización dun estudo sobre o uso do catalán no departamento francés de Pireneos Orientais
O Goberno de Cataluña subscribiu un convenio co Consello Departamental dos Pireneos Orientais e a Universidade de Perpiñán para desenvolver un estudo sobre o uso social do catalán na Cataluña Norte.
Fonte: Generalitat de Catalunya
O Goberno vasco subvencionará con 155 000 euros as substitucións de persoal público municipal que acode a clases de éuscaro
Os concellos e mancomunidades vascas serán subvencionados para que poidan cubrir, durante o ano 2016, os postos do persoal que vai a clases de éuscaro para obter o perfil lingüístico.
Fonte: 20 minutos
Torrent acolle a celebración da Semana da Lingua coa que se quere fomentar o uso do valenciano
A Área de Educación e a Oficina de Dinamización, Promoción e Uso do Valenciano organiza actividades para a semana do 18 ao 25 de abril con motivo do Día do Libro.
Fonte: Las Provincias
O Plan Estratéxico de Igualdade Lingüística da Deputación de Guipúscoa apoiarase nas asociacións e na investigación
O deputado xeral, Markel Olano, mantén que a colaboración na nova formulación foral sobre o éuscaro "traerá un cambio na xestión institucional".
Fonte: Noticias de Gipuzkoa
O Concello de Barañáin destina 13 500 euros a fomentar o éuscaro
O Concello de Barañáin asinou un convenio coa Fundación Sahats para impulsar o proxecto Bai Euskarari para 2016.
Fonte: Noticias de Navarra
Altos cargos das comunidades autónomas reuniranse en Valencia para abordar unha lei de protección para as linguas cooficiais
Valencia acollerá un seminario ao que acudirán representantes das comunidades autónomas nas que existen linguas cooficiais co obxectivo de traballar de maneira conxunta en liñas estratéxicas comúns e de elaborar unha lei para a protección desas linguas.
Fonte: 20 minutos
A Generalitat de Cataluña publica novas actividades para facilitar a aprendizaxe do catalán na empresa
Os novos materiais didácticos da iniciativa “Llegir per parlar, llegir per aprendre” abordan temas como o emprendemento, as pensións, os autónomos, o cooperativismo, a responsabilidade social empresarial etc.
Fonte: Generalitat de Catalunya
Boletín
Subscríbase ao boletín
