España
O Consorcio para a Normalización Lingüística de Cataluña aproba a Memoria 2015 e o Plan de actuacións de 2016
O Pleno do Consorcio para a Normalización Lingüística de Cataluña presentou a Memoria 2015 e o Plan de actuacións de 2016. Este último documento inclúe os principiais obxectivos para a normalización lingüística en 2016 entre os que se salienta a organización de 3 300 cursos presenciais e 3 600 cursos específicos.
O Goberno vasco aproba unha axuda de 100 000 euros para materiais en éuscaro para a FP
O Consello do Goberno do País Vasco acordou conceder unha subvención á Asociación LANEKI para difundir materiais didácticos en éuscaro nos ciclos de formación profesional. Esta subvención servirá para a elaboración, selección e tradución dos materiais.
Fonte: Noticias Press
O catalán será lingua oficial dos Xogos Mediterráneos xunto co castelán, o inglés e o francés
O Departamento de Cultura da Generalitat de Cataluña e a Fundación Tarragona 2017 chegaron a un acordo para confirmar o catalán como lingua oficial dos Xogos Mediterráneos.
Fonte: El Mundo
Presentan o primeiro dicionario de éuscaro offline gratuíto, dispoñible en formato móbil e web
A empresa de tecnoloxía en código aberto Irontec presentou o primeiro dicionario offline gratuíto de éuscaro, dispoñible tanto en aplicación móbil como en formato web.
Fonte: Grupo SPRI
Preséntanse os datos do estudo Ofercat 2015 sobre o emprego do catalán nos comercios de Lleida
A Dirección Xeral de Política Lingüística do Departamento de Cultura da Generalitat de Cataluña presenta os resultados do estudo Ofercat 2015 sobre o emprego do catalán nos comercios de Lleida.
Fonte: Generalitat de Catalunya
A VI Enquisa Sociolingüística do Éuscaro analizará o emprego do idioma no País Vasco e Navarra
Esta enquisa é unha iniciativa conxunta do Goberno de Navarra e do Goberno do País Vasco e forma parte do Plan Estratéxico do Éuscaro, cuxa finalidade é coñecer a realidade do idioma nas devanditas comunidades.
Fonte: Pamplona Actual
A Xunta pola Defensa da Lingua Asturiana concéntrase para reivindicar os dereitos lingüísticos
Esta concentración organizada pola Xunta pola Defensa da Lingua Asturiana tivo lugar na Delegación do Goberno e o seu obxectivo foi reivindicar os dereitos lingüísticos e a oficialidade da lingua asturiana.
Fonte: Europa Press
A Delegación do Goberno de Asturias pídelle ao Concello de Noreña que anule a oficialidade do asturiano
A Delegación do Goberno envioulle ao Concello un requirimento de anulación das novas ordenanzas municipais sobre o emprego do asturiano en documentos oficiais.
Fonte: Asturies
Un novo dicionario xurídico-parlamentario agrupará case 1700 termos en éuscaro
Euskaltzaindia presentará un dicionario básico xurídico-parlamentario que agrupa multitude de termos en lingua vasca que se empregan habitualmente no dereito parlamentario.
Fonte: Noticias de Navarra
O Goberno vasco subvencionará os medios de comunicación en éuscaro durante tres anos
Por primeira vez, o Goberno concederá axudas cunha periodicidade de tres anos en lugar dun ano, co obxectivo de proporcionarlles maior estabilidade aos medios.
Fonte: ABC
Boletín
Subscríbase ao boletín
