España
O alumnado que estuda lingua aragonesa incrementouse un 80 % nos dous últimos anos
O ensino de lingua aragonesa nos centros educativos de Aragón, que cumpre 20 anos, experimentou un crecemento do 80 % no número de alumnos e alumnas respecto ao ano 2015. Ademais, ampliáronse as localidades nas que se ensina esta lingua.
Fonte: El Periódico de Aragón
Máis de 25 000 persoas inscríbense nos euskaltegis do País Vasco
Máis de 25 000 alumnos e alumnas inscribíronse nos euskaltegis do País Vasco durante a primeira fase da campaña de matriculación. Espérase que 10 000 persoas máis se inscriban nos vindeiros meses.
Fonte: 20minutos
A Comunidade Valenciana activa un servizo para axudar ao persoal funcionario a usar o valenciano
A Consellería de Educación e Cultura da Comunidade Valenciana puxo en marcha un servizo de atención lingüística para o persoal funcionario, que busca resolver as súas dúbidas con relación ao uso da lingua valenciana coa cidadanía.
Fonte: Levante-EMV
Dez localidades de Cataluña acollerán uns obradoiros de dobraxe en lingua catalá
A Dirección Xeral de Política Lingüística e o Consorcio pola Normalización Lingüística de Cataluña celebrarán dez obradoiros de dobraxe en lingua catalá, que terán lugar en dez localidades de Cataluña. Os obradoiros están dirixidos aos participantes no programa Voluntariado pola lingua e ao alumnado de catalán do Consorcio pola Normalización Lingüística.
Fonte: Generalitat de Catalunya
Un estudo alerta da perda de falantes de aragonés
Segundo un informe, a porcentaxe da poboación que sabía falar aragonés en 2001 era do 18,6 %, mentres que, unha década despois, en 2011, esa porcentaxe descendera ata o 5,6%.
Fonte: El Periódico de Aragón
A Asociación de Empresarios de Comercio e Servizos de Áraba impulsan unha campaña de promoción do éuscaro
A campaña "Araban bai" desenvolverase ao longo do mes de novembro e con ela preténdese fomentar o uso do éuscaro nos comercios e bares do territorio.
Fonte: Noticias de Álava
O Concello de Castelló colabora coa campaña do Voluntariado polo Valenciano
Esta campaña ten como obxectivo conseguir novos falantes de valenciano. Trátase dunha iniciativa gratuíta coa que se pon en contacto unha persoa falante desta lingua con outra que quere aprendela.
Fonte: Levante-EMV
Ponse en marcha unha nova edición da xornada de acollida lingüística organizada pola Generalitat de Cataluña
Esta nova edición da xornada de acollida lingüística centrarase nos retos actuais desta iniciativa e servirá para presentar materiais e experiencias de boas prácticas neste campo.
Fonte: Generalitat de Catalunya
Solicitan que o mandato-marco da RTPA recolla a misión do ente de contribuír á normalización do asturiano
A organización Iniciativa pol Asturianu pide que o mandato-marco da Radiotelevisión do Principado (RTPA) recoñeza que unha das súas misións é a de contribuír á normalización social do asturiano.
Fonte: La Vanguardia
Sete linguas minoritarias están en risco de desaparición en España por falta de protección
Estas linguas que teñen ameazada a súa supervivencia por falta de protección son as seguintes: o aragonés, o catalán da Franxa, o asturleonés, a fala estremeña, o tamazigh, o árabe de Ceuta e o caló.
Fonte: Público
Boletín
Subscríbase ao boletín
