Galicia
O secretario xeral da Lingua asiste á XXI edición do Festival de Cans
O secretario xeral da Lingua, Valentín García, asistiu á xornada do XXI Festival de Cine de Cans, no Porriño, que se desenvolve nesta edición do 21 ao 25 de maio.
Fonte: O Portal da Lingua Galega
A Xunta colabora co regreso da Selección Galega de Fútbol en Balaídos fronte a Panamá
O secretario xeral da Lingua, Valentín García, participou na presentación do partido de fútbol que disputará a Selección Galega fronte a Panamá o venres, 31 de maio, ás 20,00 horas en Balaídos. Durante o acto deuse a coñecer a colaboración da Xunta coa cita deportiva que abrangue, entre outras accións, actividades complementarias relacionadas coa promoción do uso do galego.
Fonte: O Portal da Lingua Galega
Danse a coñecer as tres propostas gañadoras do XV Premio Rosalía de Castro de Lingua
O xurado do XV Premio Rosalía de Castro de Lingua, que convoca a Deputación da Coruña, recoñeceu na edición deste ano o labor da escritora, sociolingüista, política e profesora Pilar García Negro; o movemento de renovación pedagóxica Nova Escola Galega; e o proxecto «Aquí tamén se fala», promovido polo IES Rafael Dieste.
Fonte: Deputación da Coruña
Valentín García participa na entrega do Premio á Galeguidade Empresarial 2024
O secretario xeral da Lingua, Valentín García, participou no acto de entrega do Premio a Galeguidade Empresarial, organizado polo Foro Enrique Peinador, á empresa Embutidos Lalinenses nas súas instalacións en Lalín.
Fonte: O Portal da Lingua Galega
O sistema de acreditación de lingua galega (Celga) colabora co Proxecto Nós para a recollida de voces en galego
Como cada ano, a Xunta de Galicia está a realizar as probas para a obtención dos certificados de lingua galega (Celga) dos niveis 1, 2, 3 e 4, correspondentes á primeira convocatoria anual, tanto en Santiago de Compostela como en Ponferrada. Ademais, dado que estas probas inclúen un exame oral e que reúnen un número relevante de persoas interesadas, constitúen un marco ideal para a recollida e cesión voluntaria de voces en galego coas que poder colaborar co Proxecto Nós.
Fonte: O Portal da Lingua Galega
A Deputación da Coruña organiza un ciclo de música para visibilizar a canción de autora en galego
O ciclo Coa Nosa Voz, que se celebrará na Coruña os días 2, 9, 23 e 30 de xuño, inclúe as actuacións de Guadi Galego, Antía Muiño, Uxía e Ugía Pedreira, todas elas mulleres de referencia no panorama da música en galego.
Fonte: Deputación da Coruña
A Deputación de Pontevedra abre o prazo para solicitar axudas para actividades de dinamización lingüística
Os concellos de menos de 50 000 habitantes e entidades culturais sen fins de lucro da provincia de Pontevedra poden solicitar ata o 27 de maio axudas para actividades de dinamización da lingua galega.
Fonte: Deputación de Pontevedra
Unha manifestación percorre as rúas de Santiago no Día das Letras Galegas para reivindicar máis protección para o galego
A manifestación do 17 de maio, convocada pola plataforma Queremos Galego, a favor do uso da lingua galega, comezou na Alameda de Santiago e chegou ata a praza da Quintana.
Fonte: Galicia Confidencial
A Asociación Pro-Fundación Manoel Vello impulsa un programa de aprendizaxe do galego en liña
Esta asociación organiza un programa de aprendizaxe do galego en liña impartido pola docente Carolina Silva Arandia con diferentes modalidades: clases de galego grupais, encontros de conversa en liña e clases de alfabetización.
Fonte: Consello da Cultura Galega
O Foro Enrique Peinador celebra en Lalín o Día da Galeguidade Empresarial
O Día da Galeguidade Empresarial conmemorará este ano o 75 aniversario da creación da empresa Embutidos Lalinense e porá en valor a súa aposta pola galeguización da actividade empresarial e da etiquetaxe dos seus produtos.
Fonte: Consello da Cultura Galega
Boletín
Subscríbase ao boletín
