Galicia
O programa ‘21 días co galego e +’ pecha a súa cuarta edición cun maior impacto nas redes sociais
O secretario xeral de Política Lingüística, Valentín García, participou no instituto IES Lucus Augusti de Lugo na clausura oficial do programa de dinamización lingüística «21 días co galego e +», que nesta cuarta edición xuntou por primeira vez 12 centros participantes, así como 394 docentes, 52 membros do persoal da administración e servizos e 3399 alumnas e alumnos de entre 8 e 18 anos, que viviron xunto ás súas familias a experiencia de falar en galego durante 21 días.
Fonte: O Portal da Lingua Galega
A Deputación de Pontevedra convoca as axudas para crear, manter ou reforzar os servizos de normalización lingüística dos concellos
A Deputación de Pontevedra aprobou a convocatoria de axudas, por un importe de 200 000 euros, para a creación, mantemento ou reforzo dos servizos de normalización lingüística dos concellos e outras entidades locais da provincia.
Fonte: Deputación de Pontevedra
A Universidade de Vigo organiza un certame para premiar as reflexións prospectivas sobre o galego en 2050
O Premio A lingua galega en 2050 ten como obxectivo fomentar entre o alumnado a reflexión prospectiva sobre a situación social da lingua galega a mediados de século a partir de propostas ensaísticas, literarias ou de divulgación científica.
Fonte: Universidade de Vigo
Román Rodríguez agradece a Tanxugueiras a súa contribución á proxección internacional do galego
A Xunta de Galicia conmemorou o Día Internacional da Lingua Materna -que este ano pon o foco no uso das tecnoloxías- nun acto lúdico e didáctico dirixido ás familias e ao público máis novo celebrado na Cidade da Cultura, que contou coa participación de Tanxugueiras.
Fonte: O Portal da Lingua Galega
A Universidade de Santiago convoca un certame de vídeos en galego sobre enxeñería informática e química
O I Concurso de vídeos sobre enxeñería informática e química ten como obxectivo fomentar o uso do galego entre o alumnado da Escola Técnica Superior de Enxeñería, para o que deberán presentar un vídeo nesta lingua dunha duración máxima de 3 minutos.
Fonte: Consello da Cultura Galega
A Universidade de Santiago convoca o II Concurso de vídeos divulgativos en galego de química sostible
Pode participar neste Concurso de vídeos divulgativos en galego de química sostible calquera membro da Universidade de Santiago, a través dun vídeo en galego, dun máximo de 3 minutos de duración.
Fonte: Consello da Cultura Galega
Convócanse as probas de competencias clave entre as que figura a comunicación en lingua galega
A Xunta de Galicia convoca probas de avaliación en competencias clave para acceder ás accións formativas dos novos certificados de profesionalidade dos niveis 2 e 3, entre as que se require a comunicación en lingua galega.
Fonte: Consello da Cultura Galega
O Concello de Ames convoca unha nova edición do seu certame literario para promover a creatividade en lingua galega
O certame literario do Concello de Ames ten como obxectivo fomentar a creatividade en lingua galega. Poderanse presentar ao concurso textos inéditos (narrativos ou poéticos), de tema libre e escritos en galego.
Fonte: Consello da Cultura Galega
O Concello de Santiago de Compostela organiza dous obradoiros de acollemento lingüístico
Estes dous obradoiros de acollemento lingüístico están dirixidos principalmente a persoas adultas procedentes doutras comunidades lingüísticas ou calquera que desexe iniciarse na aprendizaxe do galego.
Fonte: Consello da Cultura Galega
A Universidade de Santiago convoca unha nova edición do Premio Luís Porteiro Garea a prol da normalización do galego
A Universidade de Santiago convocou a quinta edición do Premio Luís Porteiro Garea co que se recoñecerá a iniciativa, o traballo e a traxectoria presente e pasada a prol da normalización do galego na universidade.
Boletín
Subscríbase ao boletín
