Galicia
A Egap organiza cursos de linguaxes específicas en lingua galega para persoal da Administración
A Escola Galega de Administración Pública convoca os seguintes cursos: de linguaxe xurídica galega para o persoal da Administración de Xustiza que presta servizos fóra de Galicia e de linguaxe administrativa e xurídica destinados ao persoal ao servizo das distintas administracións galegas.
Fonte: Consello da Cultura Galega
XuvenCiencia traduce ao galego o proxecto de divulgación científica ‘Ciencia-me un cuento’
XuvenCiencia, grupo de innovación docente da Universidade de Santiago, na súa aposta pola normalización do galego como lingua de divulgación científica, traduciu o proxecto ‘Ciencia-me un cuento’, unha iniciativa que consta de varios relatos adaptados ao público escolar que só está accesible en inglés e castelán.
A Xunta apoia o proxecto audiovisual ‘Bailando o Camiño’, que permitirá aprender a divertirse en galego cos bailes tradicionais do Camiño de Santiago
O secretario xeral de Política Lingüística, Valentín García, participou na presentación do proxecto audiovisual Bailando o Camiño, un conxunto de audiovisuais que recollen tres danzas típicas da ruta do Camiño Vasco Interior: o txulalai, o galandún e a carballesa.
Fonte: O Portal da Lingua Galega
A Universidade de Vigo crea un premio de investigación xurídica en lingua galega
A Facultade de Ciencias Xurídicas e do Traballo convocará o I Premio de Investigación xurídica en lingua galega, un galardón destinado a estudantes de grao e mestrado de calquera universidade española que ten como obxectivo promover o uso do galego nos traballos de investigación deste eido.
Fonte: Universidade de Vigo
A CTNL publica as intervencións da última edición do evento «LGx15. Ideas para o futuro da lingua»
A Coordinadora de Traballadoras e Traballadores de Normalización da Lingua (CTNL) publicou na súa canle de YouTube as seis intervencións da última edición da iniciativa «LGx15. Ideas para o futuro da lingua», celebrada o 16 de outubro co obxectivo de recompilar experiencias e recomendacións para mellorar o futuro do galego.
Fonte: Nós Diario
O Festival Kerouac leva a poesía galega a México co apoio da Xunta
O Festival Kerouac chega a México co apoio do Goberno galego en dous actos presenciais onde a poesía salta aos escenarios e ás pantallas. Unha mostra variada da escena poética mexicana na que a poesía galega é tamén a protagonista da man de Fátima Delgado, familiar de Florencio Delgado Gurriarán, figura homenaxeada nestas Letras Galegas 2022.
Fonte: O Portal da Lingua Galega
Nace unha nova iniciativa en defensa do audiovisual en galego
A Iniciativa polo audiovisual en galego presentouse na Facultade de Ciencias da Comunicación da Universidade de Santiago de Compostela co obxectivo de reivindicar os dereitos desta lingua na nova Lei xeral de comunicación audiovisual que ultima o Goberno español.
Fonte: Nós Diario
Publícase a Ordenanza municipal de normalización lingüística do Concello de Cabanas
O BOP da Coruña publicou a Ordenanza municipal de normalización lingüística do Concello de Cabanas, na que se recollen as obrigas e as liñas de actuación que rexerán os usos lingüísticos da institución, así como das empresas adxudicatarias, concesionarias ou contratadas por ela.
Fonte: Consello da Cultura Galega
A serie de vídeos de `Brincadeiras da lingua’ chega cunha segunda edición para seguir difundindo os ditos infantís galegos
O secretario xeral de Política Lingüística, Valentín García, participou na presentación da segunda entrega de Brincadeiras da lingua, unha serie de pílulas audiovisuais realizadas por Migallas Teatro ao abeiro do Fondo de Proxectos Culturais Xacobeo.
Fonte: O Portal da Lingua Galega
O Real Club Celta estrea unha conta de Twitter integramente en lingua galega
O Real Club Celta estreou un novo perfil de Twitter integramente en galego, ante as críticas xurdidas nos últimos tempos polo escaso e, mesmo ás veces, incorrecto uso desta lingua na conta que ten nesta rede social desde 2011.
Fonte: La Voz de Galicia
Boletín
Subscríbase ao boletín
