Galicia
Segundo un informe, na Universidade de Santiago impártese en galego case unha de cada catro horas de clase
Segundo o informe Usos lingüísticos docentes no curso 2021-2022, o 33,75 % das horas docentes nos mestrados impártese en galego. No caso dos graos, as horas docentes nesta lingua alcanzan o 23,40 %.
A Universidade de Vigo publica novas guías prácticas para o ensino secundario sobre monolingüismo, histoloxía e repartimentos
A Área de Normalización Lingüística acaba de publicar tres novas guías, que se suman ás catro editadas hai un ano, co obxectivo de achegar ao alumnado de ensino secundario os resultados das investigacións sobre os problemas de repartimentos, histoloxía e monolingüismo. Estas guías remitiranse aos equipos de dinamización lingüística dos centros de secundaria de Pontevedra e Ourense.
Fonte: Universidade de Vigo
Preto de 4000 participantes inician o reto de ‘21 Días co galego e +’ baixo o lema ‘Creando en galego no século XXI’
A cuarta edición de «21 días co galego e +» bota a andar coa finalidade de promover o uso do galego oral entre a xente nova. Este programa, impulsado pola Consellería de Cultura, Educación e Universidade, conta coa participación de 3845 persoas entre alumnado, docentes e persoal de administración e servizos. Unha cifra que aumenta respecto ao curso anterior.
Fonte: O Portal da Lingua Galega
A Xunta e a USC colaborarán nun proxecto dixital que busca avanzar no estudo do neofalantismo
A Xunta de Galicia e a Universidade de Santiago de Compostela (USC) colaborarán nun novo proxecto dixital que, a través das novas tecnoloxías, busca avanzar no estudo do neofalantismo. Un proxecto de tres anos de duración dividido en tres fases e co que o Goberno galego e a USC pretenden impulsar e poñer en valor o neofalantismo e as conexións do galego co mundo da empresa e da lusofonía.
Fonte: O Portal da Lingua Galega
A RAG e PuntoGal convocan a quinta edición do seu concurso de microrrelatos para que o galego gañe espazo na rede
A Real Academia Galega e a Asociación PuntoGal convocan a quinta edición do seu certame de microrrelatos que ten como obxectivo reforzar a presenza do galego no mundo dixital.
Fonte: Real Academia Galega
Unha unidade didáctica sobre as Tanxugueiras permite traballar contidos de música e sociolingüística nas aulas
O tema Terra das Tanxugueiras serviulle ao profesor Cándido Paniagua para elaborar a unidade didáctica “Veñen para quedar”, adaptable aos diferentes niveis educativos para traballar contidos de música e sociolingüística nas aulas.
Fonte: Consello da Cultura Galega
Organizan un roteiro por lugares simbólicos na loita polo mantemento do idioma para celebrar o Día dos Medios en Galego
Santiago de Compostela acollerá a celebración do Día dos Medios en Galego, para a que a Amega organiza un roteiro no que se irán realizando paradas en lugares simbólicos na loita pola lingua galega.
Fonte: Galicia Confidencial
A serie de documentais ‘Os nomes da nosa terra’ difunde os feitos e historias que orixinaron algúns dos millóns de topónimos de Galicia
O secretario xeral de Política Lingüística, Valentín García, participou no acto de presentación da serie de documentais Os nomes da nosa terra, un proxecto da Asociación Sociopedagóxica Galega (AS-PG) apoiado pola Xunta de Galicia ao abeiro do Fondo de Proxectos Culturais Xacobeo.
Fonte: O Portal da Lingua Galega
A clasificación das Tanxugueiras leva a lingua galega á final do Benidorm Fest
Grazas ao apoio dos votos do público, as Tanxugueiras, coa súa canción en lingua galega Terra, estarán na final do Benidorm Fest, o festival que servirá para escoller quen representa a España na vindeira edición de Eurovisión.
Fonte: Galicia Confidencial
O Concello de Vigo organiza unhas xornadas sobre recursos educativos en galego
As II Xornadas sobre recursos educativos para traballarmos en galego están dirixidas principalmente ao profesorado e aos membros dos equipos de dinamización da lingua galega dos centros educativos.
Fonte: Consello da Cultura Galega
Boletín
Subscríbase ao boletín
