Galicia
O Concello de Ponteareas organiza un obradoiro de iniciación ao humor gráfico en galego
A Biblioteca Municipal de Ponteareas acolle o 28 de xaneiro, ao abeiro do programa de actividades en homenaxe a Castelao, un obradoiro de iniciación ao humor gráfico. Con esta iniciativa o Concello mostra a súa aposta polas actividades creativas e polo fomento da lingua galega nestas.
Fonte: Concello de Ponteareas
Organizan un curso sobre Deseño e desenvolvemento de proxectos de normalización lingüística no ensino
A CIG-Ensino e a AS-PG organizan o curso “Deseño e desenvolvemento de proxectos de normalización lingüística no ensino”, de 30 horas de duración, que impartirá Nel Vidal e que se desenvolverá en liña entre o 4 e o 25 de febreiro.
Fonte: CTNL
A Xunta salienta a contribución dos novos membros da Academia Xacobea para reforzar o estudo e investigación das peregrinacións a Santiago
O secretario xeral de Política Lingüística, Valentín García, e a directora de Turismo de Galicia, Nava Castro, participaron na Sesión Solemne de apertura do curso 2022 e acto de ingreso dos novos académicos da Academia Xacobea.
Fonte: O Portal da Lingua Galega
Os Premios Cidade de Pontevedra recoñecen o labor de dous docentes a prol da lingua galega
Vitoria Ogando e Anxo González, docentes de lingua galega nos institutos Valle Inclán e Sánchez Cantón, recolleron o Premio Cidade de Pontevedra como persoas físicas polo seu traballo a prol da lingua galega como responsables do proxecto ogalego.eu.
Fonte: Pontevedra Viva
O Concello de Lugo promove o uso do galego no cemiterio municipal
O tenente de alcalde e a concelleira de Participación reuníronse coa Asociación de Funcionarios para a Normalización Lingüística para abordar as distintas accións que o Concello de Lugo está a desenvolver para impulsar o uso da lingua galega no cemiterio.
Fonte: Lugo Xa
A Xunta e o Colexio de Educadores Sociais de Galicia apoian os mellores traballos de fin de grao en galego coa publicación dun libro
A Xunta de Galicia e o Colexio de Educadoras e Educadores Sociais de Galicia (Ceesg) presentaron o libro que recolle os traballos premiados na sétima edición do Concurso TFG.eduso, unha iniciativa que recoñece os mellores proxectos de fin de grao arredor da educación social presentados en lingua galega nas universidades públicas de Galicia.
Fonte: O Portal da Lingua Galega
A Xunta de Galicia convoca de novo bolsas para que estudantado universitario poida mellorar as súas competencias en linguas estranxeiras no verán
A Xunta de Galicia contribuirá a que 142 estudantes universitarios realicen unha estadía de formación lingüística nalgún Estado membro da Unión Europea durante o verán de 2022 a través da liña de axudas para o coñecemento dunha segunda lingua. Trátase dunha convocatoria de bolsas que a Xunta recupera tras a pandemia.
O Consello da Cultura Galega e a USC presentan unha nova versión de Proxector
O Consello da Cultura Galega e a Universidade de Santiago presentaron Proxector, un repositorio que escolma recursos da rede sobre as diferentes disciplinas científicas, co principal nexo común que están en galego ou dispoñen de versións subtituladas na nosa lingua.
Fonte: Consello da Cultura Galega
O Día de Rosalía de Castro pasará a celebrarse o 23 de febreiro, auténtica data de nacemento da poeta
O secretario xeral de Política Lingüística, Valentín García, participou na xuntanza que a Fundación Rosalía de Castro convocou para mudar a data de celebración do día da poetisa galega ao 23 de febreiro. Este cambio prodúcese despois de que a investigadora galega Sagrario Abelleira revelase o pasado ano nova documentación que acredita a data de nacemento real nese día.
Fonte: O Portal da Lingua Galega
A Deputación da Coruña abre a convocatoria da Rede Cultural que conta cun programa dirixido a espectáculos de promoción do galego
Artistas, empresas e compañías poden inscribir os seus espectáculos na nova edición da Rede Cultural da Deputación da Coruña, á que a institución provincial destinará 1 900 000 euros. O catálogo desta iniciativa está formado por catro programas, un dos cales, o denominado "Lingua a Escena!" se dirixe a espectáculos con contidos orientados á dinamización social do galego.
Fonte: Deputación da Coruña
Boletín
Subscríbase ao boletín
