Galicia
Volve o Nadal en Rede co seu programa de actividades para celebrar as festas en galego
O secretario xeral de Política Lingüística, Valentín García, participou na presentación da nova campaña de Nadal en Rede, o programa impulsado pola Rede de Dinamización Lingüística da Xunta de Galicia para encher de actividades en galego o tempo de lecer das familias nestas datas.
Fonte: O Portal da Lingua Galega
Segundo un estudo, agasallar en galego é unha opción ben valorada entre a rapazada
O Consello da Cultura Galega presentou un avance do estudo Disposición a agasallar contidos culturais a menores de 16 anos en Galicia, que mostra que entre determinados sectores da poboación (xente máis nova, estudantes e persoas que lles falan galego aos seus descendentes) medra o interese por regalar produtos culturais cando estes están en galego.
Fonte: Consello da Cultura Galega
Preto de 5000 persoas estudan portugués de forma oficial en Galicia, case cinco veces máis que cando entrou en vigor a Lei Paz Andrade
Case 5000 persoas estudan portugués de forma oficial en Galicia ao abeiro das medidas postas en funcionamento pola Xunta en cumprimento da Lei 1/2014, do 24 de marzo, para o aproveitamento da lingua portuguesa e vínculos coa lusofonía, coñecida comunmente como Lei Paz Andrade.
Fonte: O Portal da Lingua Galega
A Coordinadora de Traballadores/as de Normalización da Lingua celebra o seu 25 aniversario
No ano 1996 constituíuse formalmente a Coordinadora de Traballadores/as de Normalización da Lingua e para celebrar estes 25 anos de traballo difundirán cinco conversas en liña sobre diversos aspectos do percorrido da organización.
Fonte: CTNL
Unha novela sobre o autismo, gañadora do I Premio Asubío pola inclusión co que colabora a Xunta
O secretario xeral de Política Lingüística, Valentín García, participou no acto polo que se anunciou o gañador e se entregou o galardón do I Premio Asubío de Novela FMJJ, Infancia y Juventud por la Inclusión.
Fonte: O Portal da Lingua Galega
Xa se coñecen as voces galegas finalistas que optan a se converter na Palabra do Ano 2021
Xa está aberta a fase de votación telemática para escoller a Palabra do Ano 2021, que ten como finalistas estas cinco voces galegas: coada, gromo, resiliencia, tanxugueiras e vacinódromo.
Fonte: Real Academia Galega
A Xunta fomenta o uso da lingua galega coa campaña ‘Saca o galego que levas dentro’
A Xunta lanza a campaña «Saca o galego que levas dentro», unha acción que busca poñer en valor a lingua propia entre toda a sociedade; destacar a súa importancia como elemento clave da nosa identidade; alimentar o arraigo, o orgullo e o sentimento de pertenza e fomentar o seu uso entre todos os galegos e galegas.
Fonte: O Portal da Lingua Galega
O Concello de Narón elabora crebacabezas en galego cos nomes das profesións dirixidos ao público infantil
Ao abeiro do programa Apego, esta serie de crebacabezas inclúe imaxes acompañadas cos nomes en galego de diferentes profesións co obxectivo de proporcionar materiais lúdicos que faciliten a socialización en lingua galega dos máis pequenos.
Fonte: Consello da Cultura Galega
Os Bolechas participan un ano máis na programación de Nadal da Xunta de Galicia
O secretario xeral de Política Lingüística, Valentín García, participou na presentación da xa tradicional xira que a Xunta de Galicia, Bolanda Edicións, Gadis e TVG preparan cada ano e que levará este Nadal a familia Bolechas polos concellos de Santa Comba, Vimianzo, Abadín, Verín, Viana do Bolo, Negreira, Trazo e As Pontes de García Rodríguez.
Fonte: O Portal da Lingua Galega
A Universidade de Santiago organiza un curso en liña de química en lingua galega
O grupo CienciaNOSA organiza un curso en liña de química cun enfoque experimental e baseado en prácticas de laboratorio. Cada tema ofrece un resumo cos principais conceptos, así como unha serie de recursos audiovisuais que inclúen experimentos de laboratorio e un cuestionario para que cada estudante comprobe o seu progreso.
Boletín
Subscríbase ao boletín
