A académica correspondente e membro do Seminario de Onomástica Luz Méndez explica, nunha nova entrega da serie «O Seminario de Onomástica responde», a orixe e o significado do topónimo Melide.  

Fonte: La Voz de Galicia

Reclama que o novo Estatuto de Autonomía de Asturias declare a oficialidade do galego no Principado, nas mesmas condicións que o asturiano. Por este motivo, elaborou un informe no que se analiza a consideración da lingua galega nesta comunidade e a proposta de novo marco estatutario que limita a consideración de oficial para o galego ao seu ámbito territorial.

Fonte: Real Academia Galega

A filóloga Xulia Marqués Valea é a autora do número 7 da colección Terra Nomeada, un volume que recolle a orixe e o posible significado dos nomes das once parroquias e 102 entidades de poboación do concello lugués da Pontenova.

Fonte: Real Academia Galega

Xa está dispoñible en galego Wordle, un novo xogo en liña que consiste en adiviñar unha palabra de cinco letras ao día e despois compartir as xogadas a través das redes sociais. Inicialmente só se podía xogar en inglés, pero foron xurdido versións noutras linguas, entre elas, o galego, o catalán ou o español.

Fonte: Código Cero

O BNG reclamou no Congreso que se garanta o dereito do alumnado a poder empregar o galego nos exames da UNED, polo menos, nas probas que se leven a cabo en Galicia, así como que a web e o resto de materiais didácticos desta universidade estean dispoñibles nesta lingua.  

Fonte: Nós Diario

O Clúster Audiovisual Galego confía en que a aposta polas linguas cooficiais da futura lei estatal para o sector se converta nun revulsivo para a produción galega.  

Fonte: El Correo Gallego

Un total de 50 centros educativos de toda Galicia desenvolverán programas de integración das familias na actividade da biblioteca escolar ao longo do curso 2021/2022. A Xunta vén de resolver a convocatoria desta nova iniciativa, Lectura e Familias, dotada con 125 000 €.

Fonte: O Portal da Lingua Galega

O colectivo Fala Ceibe do Bierzo solicita que a plataforma Galicia Nomeada inclúa a toponimia galega presente nos territorios do Eo-Navia, O Bierzo e As Portelas sanabresas.

Fonte: Nós Diario

Trinta alcaldes asinaron, no acto de homenaxe ao historiador Fermín Bouza-Brey, a Declaración de Cortegada, na que se comprometen a que os servizos xurídicos dos seus respectivos concellos empreguen o galego ante os tribunais de xustiza.

Fonte: Faro de Vigo

A Xunta de Galicia publicou dúas convocatorias de axudas para a presentación de proxectos de fomento do galego no ámbito do ensino non universitario, unha dirixida a centros de titularidade pública e outra a centros de titularidade privada.

Fonte: Consello da Cultura Galega