Galicia
O Concello da Pobra do Caramiñal fai entrega dos premios do concurso Galeguizando TikTok
O Concello da Pobra do Caramiñal entregoulles cadanseu lote de produtos culturais por valor de 100 euros ás gañadoras do concurso Galeguizando TikTok, un certame ao que se presentaron pezas audiovisuais en galego cuxo tema principal era o Día da Patria Galega.
A nova Estratexia Galega de Linguas Estranxeiras inxectará 83 M€ no sistema educativo en catro anos para accións de alto impacto e especialización na aprendizaxe de idiomas
O titular do Goberno galego, Alberto Núñez Feijóo, salientou, tras a reunión do Consello da Xunta, que a nova Estratexia Galega de Linguas Estranxeiras -Edulingüe 2030- inxectará 83 millóns de euros no sistema educativo en catro anos para accións de alto impacto e especialización na aprendizaxe de idiomas.
Fonte: O Portal da Lingua Galega
A Xunta porá en marcha unha nova campaña para fomentar o uso da lingua galega nas familias
O secretario xeral de Política Lingüística, Valentín García, asistiu á inauguración dos XXIII Encontros para a Normalización Lingüística, organizados polo Centro de Documentación Sociolingüística do Consello da Cultura Galega (CCG) en colaboración coa Xunta de Galicia.
Fonte: O Portal da Lingua Galega
O programa da TVG “Dígocho eu” recibirá o Premio da Cultura Galega na categoría de Lingua
O xurado dos Premios da Cultura Galega acaba de dar a coñecer as persoas galardoadas nesta edición. Na categoría de Lingua o recoñecemento vai para o programa “Dígocho eu”, presentado por Esther Estévez na TVG, no que se resolven dúbidas relacionadas co uso correcto do galego.
Fonte: Consello da Cultura Galega
O grupo de teatro Alecrín recibe un premio polo seu labor a prol do galego
A gala Ribadumienses en prol do galego, cuxa finalidade é premiar entidades e persoas polo seu labor de difusión desta lingua, homenaxeará o asociación Alecrín que leva anos representando obras en galego.
Fonte: Faro de Vigo
O Concello de Lugo estuda subvencionar as lápidas do cemiterio municipal que estean en galego
O Concello de Lugo estuda a posibilidade de outorgarlles axudas de 200 euros ás familias que desexen galeguizar as lápidas dos seus defuntos situadas no cemiterio municipal.
Fonte: Lugo Xornal
Convócase unha nova edición dos Premios Mil Primaveras a proxectos de posta en valor e fomento do galego
Estes galardóns, que convoca a Coordinadora de Traballadores/as de Normalización da Lingua (CTNL), teñen como obxectivo poñer en valor, recoñecer e difundir accións, campañas, programas e proxectos que fomenten o galego e procuren o incremento do seu uso e o seu prestixio.
Fonte: Premios Mil Primaveras
Xunta e Igaciencia organizan un webinario sobre intelixencia artificial para inaugurar o Mes da Ciencia en galego
O secretario xeral de Política Lingüística, Valentín García, participou na presentación do webinario sobre intelixencia artificial “Poden pensar as máquinas?”, impartido polo profesor Senén Barro, doutor en Física, catedrático de Ciencias da Computación e Intelixencia Artificial e director científico do Centro Singular de Investigación en Tecnoloxías Intelixentes da Universidade de Santiago de Compostela (CiTIUS).
Fonte: O Portal da Lingua Galega
Chega o Mes da Ciencia en galego ás bibliotecas da Xunta con 40 actividades para todos os públicos
Os centros bibliotecarios xestionados pola Xunta van acoller ao longo de novembro preto de 40 actividades de divulgación científica enmarcadas na celebración do Mes da ciencia en galego nas bibliotecas. Trátase dunha iniciativa do Goberno autonómico a prol do achegamento da cidadanía á literatura científica en galego.
Fonte: O Portal da Lingua Galega
Novembro énchese de actividades para celebrar o Día da Ciencia en Galego
Ao abeiro da celebración do XII Día da Ciencia en Galego, a Institución Galega de Ciencia (Igaciencia) organiza un programa de videoconferencias didácticas, dirixidas aos centros educativos que se desenvolverán ao longo do mes de novembro.
Fonte: Consello da Cultura Galega
Boletín
Subscríbase ao boletín
