O obxectivo deste galardón, convocado polo Concello de Ponteareas, é fomentar o uso do galego no ámbito empresarial, así como recoñecer publicamente o compromiso coa normalización lingüística das empresas e profesionais que teñen a súa sede social ou actividade económica no municipio.

Fonte: Consello da Cultura Galega

O secretario xeral de Política Lingüística, Valentín García, asistiu á presentación do libro A lingua en 2050, un volume colectivo ideado e coordinado polo sociolingüista e profesor da Universidade de Vigo Fernando Ramallo, que recolle as reflexións, as inquedanzas e os desexos de 25 persoeiros ligados á lingua sobre a situación do galego no 2050.

Fonte: O Portal da Lingua Galega

A Agrupación Folclórica Cantigas e Agarimos celebra o seu centenario coa xornada “100 anos de Agarimos”, un evento de entretemento que reunirá o vindeiro 30 de outubro no Auditorio de Galicia un conxunto de accións e actuacións para promover o folclore, a tradición e a herdanza cultural galega co apoio da Xunta de Galicia a través do Fondo de Proxectos Culturais Xacobeo 21-22.

Fonte: O Portal da Lingua Galega

A gala aRi[t]mar Galiza e Portugal chega á súa sexta edición cun espectáculo protagonizado por mulleres que reunirá no Auditorio de Galicia as cantantes Guadi Galego e Cláudia Pascoal e as poetas Rosalía Fernández Rial e Márcia, as catro premiadas nas categorías de mellor música e poesía galega e portuguesa do pasado ano, respectivamente.

Fonte: O Portal da Lingua Galega

A Xunta de Galicia e a Universidade de Santiago presentaron o primeiro acordo para o Proxecto Nós de Intelixencia Artificial ao servizo da lingua galega, que supón o inicio do desenvolvemento desta iniciativa coa que se incorporará o galego ao eido dixital.

Fonte: O Portal da Lingua Galega

O Instituto da Lingua Galega (ILG) da Universidade de Santiago anunciou as persoas gañadoras do concurso de vídeo Móvete, destinado a alumnado dos institutos de Galicia e das zonas de fala galega de fóra da comunidade autónoma para impulsar o uso do galego e dar a coñecer o propio ILG.  

Fonte: Universidade de Santiago de Compostela

Estes son os gañadores dos Premios San Martiño de Normalización Lingüística deste ano: José Manuel Bértolo (catedrático de grego e investigador sobre temas culturais e históricos da comarca de Terra de Montes), o colectivo poético Rompente e o programa de radio Sempre en Galiza (creado en 1950 en Montevideo por emigrantes galegos).

Fonte: Consello da Cultura Galega

Un ano máis a Asociación de Funcionarios para a Normalización Lingüística (AFNLG) organiza, co gallo da celebración do Día de Defuntos, unha serie de accións ao abeiro do Mes da Restauración da Memoria Lingüística de Galicia, unha iniciativa impulsada por esta organización para fomentar o uso do galego no ámbito dos ritos funerarios e das últimas vontades.

Fonte: Consello da Cultura Galega

A Xunta de Galicia vén de retomar a súa actividade exterior de promoción do sector editorial coa súa presenza nunha das feiras do libro máis importantes do mundo, a Feira Internacional de Frankfurt.

Fonte: O Portal da Lingua Galega

O secretario xeral de Política Lingüística, Valentín García, asistiu á presentación do libro ArthurRimbaud. Iluminacións & Unha tempada no inferno, un traballo dos creadores Manuel Cartea, artífice da tradución e das notas, e Manuel Teira, a cargo das ilustracións que acompañan o libro.

Fonte: O Portal da Lingua Galega