Galicia
Preséntase a tradución ao galego da obra «A Tribuna» de Emilia Pardo Bazán
A sede da Real Academia Galega acolleu a presentación da versión en galego da terceira novela de Emilia Pardo Bazán, La Tribuna, traducida por Valeria Pereiras grazas á colaboración entre o Concello da Coruña e a Fundación Luzes.
Fonte: Culturagalega
A Deputación de Pontevedra impulsa un ano máis Musigal, o programa para difundir a música galega e en galego
A Deputación de Pontevedra publicou as bases do programa Musigal 2022, unha iniciativa que ten como obxectivo contribuír á promoción da música galega e en galego nos concellos da provincia.
Fonte: Consello da Cultura Galega
A Deputación da Coruña convoca axudas para os servizos de normalización lingüística municipais da provincia
A Deputación da Coruña publicou a convocatoria de axudas, destinada ás entidades locais da provincia, para a creación, mantemento e reforzo dos seus servizos de normalización lingüística durante o ano 2022.
Fonte: Consello da Cultura Galega
A Rede de Dinamización Lingüística pecha o ano con máis de 700 actividades por toda Galicia
A Rede de Dinamización Lingüística pecha o ano cun balance de máis de 700 accións de fomento do galego (exposicións, recitais, concertos, representacións...) que chegaron a 225 lugares diferentes.
Fonte: O Portal da Lingua Galega
Un filme que promove a inclusión das persoas con síndrome de Down estréase en galego
Varias salas de cinema en Galicia estrearon Valentina, unha aventura de animación musical cunha nena con síndrome de Down. O filme estréase na súa versión orixinal en galego e tamén nunha versión en castelán.
Fonte: Praza Pública
Unha plataforma contraria á proliferación de macroparques eólicos alerta que se están a presentar documentos en inglés para a tramitación de novos aeroxeradores
A plataforma Stop Eólicos Xurés Celanova presentou un recurso no Concello de Celanova no que denuncia que a empresa interesada en construír o novo parque eólico Monte da Neve, nos concellos de Celanova e Verea, presentou documentación de interese público en lingua inglesa.
Fonte: Galicia Confidencial
A Cidade da Cultura pecha 2021 cun máximo histórico de 230.000 participantes en actividades culturais
A Cidade a Cultura de Galicia pecha 2021 cun máximo histórico no número de participantes nas actividades do seu programa cultural, cun total de 229 462, o que representa un incremento dun 20 % respecto ao 2019.
Fonte: O Portal da Lingua Galega
Demandan máis prazas de portugués no ensino galego
A Asociación de Docentes de Portugués en Galicia (DPG, polas súas siglas en portugués) demandou ao secretario xeral de Política Lingüística, Valentín García, que se incremente o número de prazas de portugués nas oposicións e que, por primeira vez, se dispoña de profesorado de portugués no ensino primario.
Fonte: Nós Diario
O Concello de Santiago de Compostela organiza un espectáculo para fomentar o galego no ámbito do lecer infantil
O Concello de Santiago de Compostela organiza a Festiña do Apego, cuxo programa inclúe tres espectáculos en galego e que ten como obxectivo crear espazos de uso para esta lingua no ámbito do lecer infantil.
Fonte: Consello da Cultura Galega
Lupe Gómez recolle o X Premio de Poesía Manuel Leiras Pulpeiro co que colabora a Xunta
O secretario xeral de Política Lingüística, Valentín García, participou na entrega dos premios aos gañadores do X Certame de Poesía Manuel Leiras Pulpeiro, convocado polo Concello de Mondoñedo en colaboración coa Xunta de Galicia.
Fonte: Xunta de Galicia
Boletín
Subscríbase ao boletín
