Galicia
A Escola Galega de Administración Pública publica dúas convocatorias de cursos de linguaxes específicas
Trátase de dúas convocatorias dos seguintes cursos telemáticos: unha na que se ofertan cursos de linguaxe xurídica galega para o persoal da Administración de Xustiza que presta servizos fóra de Galicia, e outra na que se ofertan cursos de linguaxe administrativa e xurídica destinados ao persoal ao servizo das distintas administracións galegas.
Fonte: Consello da Cultura Galega
A Universidade de Santiago convoca o IV Premio Luís Porteiro Garea á promoción e uso do galego
O Premio Luís Porteiro Garea, que chega xa á súa cuarta edición, recoñece as iniciativas, os traballos e as traxectorias de membros da comunidade universitaria a prol da normalización do galego na institución.
O proxecto Trasno lanza a iniciativa "Common Voice en galego"
O proxecto Trasno pide a colaboración da cidadanía para reunir máis de 5000 frases curtas de uso cotián en galego que, logo, falantes nativos gravarán. A través deste proceso irase conformando un arquivo de frases que posteriormente reproducirán os dispositivos tecnolóxicos.
Fonte: Galicia Confidencial
O Concello de Carballo convoca o Premio a proxectos de serie en galego 2021
No marco da oitava edición do Festival de Contidos Dixitais Carballo Interplay, convócase o Premio a proxectos de serie en galego 2021, co obxectivo de fomentar a creación e a difusión de contidos audiovisuais orixinais nesta lingua en Internet.
Fonte: Consello da Cultura Galega
A Xunta renova os lectorados da Rede de Centros de Estudos Galegos con dez novas incorporacións docentes
A Xunta de Galicia vén de renovar 10 dos 27 lectorados de lingua, literatura e cultura galegas da Rede de Lectorados e Centros de Estudos Galegos, despregada en 36 universidades de todo o mundo e coordinada desde a Consellería de Cultura, Educación e Universidade.
Fonte: O Portal da Lingua Galega
A Universidade de Vigo organiza un curso sobre linguaxe sanitaria galega
A Universidade de Vigo estrea no segundo cuadrimestre o curso “Anatomizamos en galego”, unha actividade formativa, en formato virtual, que ten como obxectivo ampliar o coñecemento que a comunidade universitaria posúe sobre a linguaxe relacionada coa saúde.
Fonte: Universidade de Vigo
O Concello de Poio aproba a súa Ordenanza reguladora do impulso do uso do galego
O Boletín Oficial da Provincia de Pontevedra publicou a aprobación definitiva da Ordenanza reguladora do impulso do uso do galego do Concello de Poio, un texto no que se declara que a lingua galega é o idioma oficial desta institución.
A Xunta convoca os premios escolares de innovación en dinamización lingüística 2020-2021
A Xunta de Galicia convoca os premios escolares de innovación educativa en dinamización lingüística 2020-2021, a través da publicación da resolución da Consellería de Cultura, Educación e Universidade.
Fonte: O Portal da Lingua Galega
Celébrase unha nova edición do Día dos Medios en Galego
O pasado 7 de febreiro celebrouse unha nova edición, a terceira, do Día dos Medios en Galego, unha conmemoración impulsada pola Amega (Asociación de Medios en Galego) co obxectivo de darlles visibilidade aos medios de comunicación que utilizan esta lingua.
Fonte: Praza Pública
O secretario xeral de Política Lingüística participa no programa 'Aulas dixitais' impulsado pola Xunta e Coca-Cola
O secretario xeral de Política Lingüística, Valentín García, participou por videoconferencia no programa Aulas dixitais de Coca-Cola, incluído na XII edición do Concurso Novos Talentos de Relato Curto no que colabora a Consellería de Cultura, Educación e Universidade.
Fonte: O Portal da Lingua Galega
Boletín
Subscríbase ao boletín
