Galicia
O Fondo Xacobeo 2021 leva ao Museo do Pobo 'A incrible historia do galego Cristovo Colón'
O secretario xeral de Política Lingüística, Valentín García, participou na charla-coloquio A incrible historia do galego Cristovo Colón de Poio a Baiona, celebrada no compostelán Museo do Pobo Galego.
Fonte: O Portal da Lingua Galega
Case 6000 estudantes seguen o webinario ‘Só a ciencia nos salvará da pandemia’
O secretario xeral de Política Lingüística, Valentín García, participou no webinario organizado pola Xunta de Galicia e a Institución Galega de Ciencia (Igaciencia) con motivo do Mes da Ciencia en Galego ao que asistiron preto de 90 centros educativos e de 6000 estudantes.
Fonte: O Portal da Lingua Galega
Danse a coñecer os traballos gañadores da sexta edición do Concurso literario Mazarelos que organiza a Universidade de Santiago
O primeiro premio da sexta edición do Concurso Literario Mazarelos foi para o texto As aldeas non deben apagarse, de Cristina Negreira Barcia, unha edición cuxas bases obrigaban a que o tema das obras fose ‘O galego confinado’.
A Xunta renova a súa colaboración con universidades de distintas partes do mundo para promover a lingua, a literatura e a cultura galegas
A Xunta de Galicia investirá 110 000 euros para renovar a súa colaboración con varias universidades de todo mundo co obxectivo de impulsar o coñecemento da lingua, a literatura e a cultura galegas no ámbito académico. En concreto, colaborará coa University College Cork (Irlanda), a Università degli Studi di Perugia (Italia), a Università degli Studi di Roma La Sapienza (Italia) e a Universidade de São Paulo (Brasil), así como a Universitat de Barcelona.
Fonte: Crónicas de la Emigración
A Real Academia Galega aproba unha proposta para a denominación oficial en galego das constelacións
A Real Academia Galega aprobou unha proposta normalizada e oficial dos nomes en galego das 88 constelacións recoñecidas pola Unión Astronómica Internacional. Esta proposta é froito da colaboración entre o Seminario de Terminoloxía e un equipo de especialistas na materia.
Fonte: RAG
Román Rodríguez chama a fixarse no legado de Carvalho Calero para que a lingua continúe sendo un elemento de unión cultural
O conselleiro de Cultura, Educación e Universidade, Román Rodríguez, participou, xunto ao presidente da Real Academia Galega (RAG), Víctor Freixanes, na presentación dos XL Cadernos Ramón Piñeiro. Estudos arredor de Ricardo Carvalho Calero, unha publicación que conta coa colaboración de 19 expertos que, a través dunha vintena de artigos, debullan a vida e obra do autor homenaxeado nas Letras Galegas.
Fonte: O Portal da Lingua Galega
A Xornada de Onomástica Galega trata o valor no mercado dos nomes comerciais en galego
Once relatores participaron na V Xornada de Onomástica Galega na que se analizaron as implicacións sociolingüísticas e a contribución á normalización do galego da elección desta lingua para denominar produtos, tendas, establecementos hostaleiros ou marcas comerciais.
Fonte: RAG
A plataforma Queremos Galego concéntrase ante o Parlamento para defender a oficialidade da lingua galega
A plataforma Queremos Galego concentrouse ante o Parlamento de Galicia para pedirlle ao presidente da Xunta que defenda o galego como lingua vehicular no ensino nos debates xurdidos como consecuencia da reforma educativa.
Fonte: Galicia Confidencial
A Mesa pola Normalización Lingüística organiza unha protesta co cancelo #OGalegoNonMata para a defensa do galego no ensino
A Mesa pola Normalización Lingüística creou o cancelo #OGalegoNonMata, que se converteu en tendencia, en resposta a unhas palabras do presidente da Xunta nas que criticaba o Goberno español por apoiar o uso das linguas cooficiais como vehiculares no ensino.
Fonte: Galicia Press
A gala do libro galego 2020 celebra a súa quinta edición en formato virtual co apoio da Xunta
O secretario xeral de Política Lingüística da Xunta de Galicia, Valentín García, participou na presentación pública da Gala do Libro Galego 2020 que este ano celebra a súa quinta edición e que terá un formato virtual. Será conducida por Quico Cadaval e difundirase o vindeiro sábado 21 de novembro, ás 12.00, desde a canle de YouTube da Gala.
Fonte: O Portal da Lingua Galega
Boletín
Subscríbase ao boletín
