A carreira a prol do galego Correlingua cumpre 20 anos, nunha edición excepcional adiada por mor da crise do coronavirus. Baixo o lema ‘Vinte coa Lingua', estará presente nunha ducia de centros escolares e todas as súas actividades retransmitiranse por streaming a través da súa canle de YouTube.

Fonte: Correlingua

O secretario xeral de Política Lingüística, Valentín García, presentou na Coruña a campaña posta en marcha pola Xunta de Galicia e Renfe Viajeros para homenaxear a Ricardo Carvalho Calero no marco da Semana das Letras Galegas que este ano, de xeito excepcional, se está a celebrar en outubro.

Fonte: O Portal da Lingua Galega

Os galardoados deste ano dos Premios San Martiño de Normalización Lingüística, que se entregarán o vindeiro 13 de novembro, son os seguintes: a Asociación Cultural Vagalumes e a agrupación musical A Banda da Loba.

Fonte: Consello da Cultura Galega

O proxecto Youtubeir@s pon a disposición da comunidade educativa unha breve guía de recursos en galego dispoñibles en Youtube que inclúe unha selección de vídeos didácticos sobre diferentes ámbitos (ciencia, plástica, literatura e lingua, música, natureza…).

Fonte: Consello da Cultura Galega

O Menhir de Ouro publicouse orixinalmente en 1967 como disco-libro, pero nunca aparecera como álbum. Agora actualizouse como parte da colección de álbums, e chega a Galicia da man da Editorial Xerais, cuxa edición vén acompañada dun audiolibro en galego con voces excepcionais, música orixinal e efectos sonoros feitos á medida.

Fonte: Praza Pública

Con motivo da celebración do Día do Dano Cerebral Adquirido (26 de outubro), o secretario xeral de Política Lingüística, Valentín García, e mais o director xeral de Maiores e Persoas con Discapacidade, Fernando González, participaron na presentación do libro A noite en que todo cambiou. A vida con DCA, de Concha Otero, que publica Hércules Ediciones co apoio da Xunta de Galicia.

Fonte: O Portal da Lingua Galega

A Xunta de Galicia impulsa unha trintena de actividades para celebrar este novembro o Mes da Ciencia en Galego nas bibliotecas da rede pública da Consellería de Cultura, Educación e Universidade, así como nas bibliotecas escolares. O obxectivo desta iniciativa, que se desenvolverá entre os días 7 e o 28 do vindeiro mes, é sensibilizar os máis novos sobre a necesidade de empregar o galego na literatura científica.

Fonte: O Portal da Lingua Galega

O Boletín Oficial da Provincia de Pontevedra publicou as bases das axudas que convoca a Deputación provincial para o fomento do galego. En total, destinarase unha partida de 220 000 euros que se repartirán entre entidades sin ánimo de lucro e concellos de menos de 50 000 habitantes.

Fonte: Deputación de Pontevedra

O secretario xeral de Política Lingüística, Valentín García, e a delegada territorial da Xunta en Vigo, Marta Fernández-Tapias, asistiron á primeira das funcións na cidade olívica do espectáculo musical Aladino e a lámpada marabillosa, incluído no Fondo de proxectos culturais Xacobeo 2021, que ofrece Avento Producións na Sala Artika.

Fonte: O Portal da Lingua Galega

Estas xornadas, este ano cun formato virtual, teñen como obxectivo deseñar estratexias para activar os/as falantes de galego do século XXI. Haberá dúas sesións abertas, os días 10 e 12 de novembro, e unha sesión de traballo interna, para persoal técnico, o 17.

Fonte: Consello da Cultura Galega