Galicia
O Concello de Ames entrega os premios da primeira edición do certame Galetiktokers
O certame Galetiktokers, convocado polo Concello de Ames para estimular a creatividade entre a mocidade, animar a creación de vídeos en galego con novos formatos e temáticas e darlle visibilidade á comunidade galega de tiktokers, xa ten gañadores.
Fonte: Concello de Ames
Xela Arias será a homenaxeada no Día das Letras Galegas 2021
O Pleno da Real Academia Galega decidiu dedicarlle o Día das Letras Galegas de 2021 a Xela Arias, unha das voces máis destacadas da poesía galega contemporánea, unha poesía singular, transgresora, sincera e comprometida, ademais salientar o seu importante labor como editora e tradutora.
Fonte: Real Academia Galega
A Mesa pola Normalización Lingüística publica o estudo “A lingua galega no sector téxtil”
A lingua galega no sector téxtil, da publicista Anabel Antela Castro, é un traballo de fin de grao para o que a autora investigou como transmiten as compañías téxtiles de Galicia as súas orixes e como utilizan o galego.
Fonte: Nós Diario
A Xunta impulsa a publicación dun libro sobre a importancia da Xeración Nós na arqueoloxía galega
O secretario xeral de Cultura, Anxo M. Lorenzo, e o delegado territorial da Xunta en Ourense, Gabriel Alén, presentaron na sede da Delegación o libro Arqueoloxía do noroeste peninsular en tempos de Nós impulsado polo Goberno galego en colaboración co Seminario de Estudos Galegos.
Fonte: O Portal da Lingua Galega
Anúncianse as empresas gañadoras da edición deste ano dos Premios Manuel Beiras
As empresas Moksín, Dinahosting e Revista Pincha son as gañadoras da edición de 2020 dos Premios Manuel Beiras, uns galardóns que convocan o Concello de Santiago de Compostela e a Cámara de Comercio co obxectivo de recoñecer publicamente o uso do galego no ámbito empresarial.
O Concello da Coruña organiza un programa de actividades en galego para o Nadal destinado ao público infantil
O Concello da Coruña organiza unha programación infantil para o Nadal 2020 adaptada ao formato virtual, con actividades cheas de música, cultura e lingua galega.
Fonte: Concello da Coruña
O Centro Ramón Piñeiro publica a primeira base de datos paleográfica da lírica galego-portuguesa
O secretario xeral de Política Lingüística da Xunta, Valentín García, presentou no salón de actos do Pazo de San Roque, sede do Centro Ramón Piñeiro para a Investigación en Humanidades (CRPIH), o novo PalMed, a Base de datos paleográfica da lírica galego-portuguesa.
Fonte: O Portal da Lingua Galega
A Deputación da Coruña convoca subvencións para a creación, mantemento e reforzo de servizos de normalización lingüística municipais
O Boletín Oficial da Provincia da Coruña publicou a convocatoria de axudas para a creación, mantemento e reforzo de servizos de normalización lingüística durante o ano 2021, dirixida a entidades locais.
Fonte: CTNL
Seis dicionarios audiovisuais protagonizados por persoas migrantes aproxímannos ás súas linguas desde o galego
A Asociación Galega de Comunicación para o Cambio Social presenta Dicionarios de ida e volta, seis breves documentais nos que persoas procedentes de diferentes países nos falan do proceso migratorio, do poder integrador do galego e da riqueza lingüística dos seus lugares de orixe.
Fonte: Asociación Galega de Comunicación para o Cambio Social
O Concello de Vigo presenta unha nova edición do seu programa de lecer infantil en galego para o Nadal
O Concello de Vigo organiza unha nova edición de “No Nadal… un conto”, un programa de lecer en galego para o público familiar e infantil, e que este ano se desenvolve en formato virtual desde o 22 de decembro.
Fonte: Consello da Cultura Galega
Boletín
Subscríbase ao boletín
