Galicia
A Universidade de Santiago convoca unha nova edición do concurso Vémolo Nós que promove a creación audiovisual en galego
A USC convoca unha nova edición do certame audiovisual Vémolo Nós, dirixido á súa comunidade universitaria, co propósito de fomentar o uso do galego na divulgación científica. Tamén se busca visibilizar a historia da universidade e destacar a utilidade do galego no eido profesional. O concurso inclúe tres categorías e entrega premios de ata 1500 euros.
A Xunta colabora con 15 proxectos didácticos en galego cun investimento de 200 000 €
O Diario Oficial de Galicia acaba de publicar a resolución das axudas para a edición en lingua galega de recursos didácticos curriculares para niveis non universitarios mediante a cal a Xunta de Galicia destina 200 000 € a colaborar con 15 proxectos. O obxectivo desta convocatoria, dirixida ás empresas do sector editorial, é fomentar a elaboración e publicación de recursos didácticos curriculares en galego no ensino regrado, así como favorecer o tecido da industria editorial galega.
Fonte: O Portal da Lingua Galega
A Xunta de Galicia elabora unha guía para simplificar a linguaxe administrativa
A Consellería de Facenda e Administración Pública publicou a Guía para simplificar as mensaxes dirixidas á cidadanía con recomendacións dirixidas ao persoal empregado público para simplificar a linguaxe administrativa e adaptala á persoa usuaria e conseguir así unha comunicación máis clara e eficiente.
Fonte: Consello da Cultura Galega
Novas voces entran a formar parte do Dicionario da Real Academia Galega
O Dicionario da Real Academia Galega incorpora os termos alfombreiro/a, auguista e lubre tras recibir propostas de diversas entidades e persoas vinculadas á cultura galega. A institución destaca a importancia destas achegas para enriquecer o léxico e manter actualizado este recurso en liña.
Fonte: Real Academia Galega
O Concello da Coruña presenta a nova programación de dous proxectos de dinamización do galego
O Concello da Coruña impulsa o uso do galego nas aulas a través dos programas Falamos primaria e Falamos secundaria, que ofrecen concertos e obradoiros didácticos en centros públicos. A iniciativa, que se desenvolverá entre outubro e novembro de 2025, contará coa participación de diferentes artistas e divulgadores.
Fonte: Consello da Cultura Galega
Publícase a oitava edición do Atlas Lingüística Galego
O Instituto da Lingua Galega publica o oitavo volume do Atlas Lingüístico Galego, dedicado ao léxico vinculado ao ser humano, con 280 mapas sobre 259 conceptos recollidos en 167 localidades galegas. En total recolle 3695 variantes léxicas para estes conceptos.
Convócanse dous cursos de linguaxe administrativa galega para persoal de seguridade pública
A Academia Galega de Seguridade Pública ofrece dous cursos en liña de linguaxe administrativa galega, de nivel medio e superior, destinados ao persoal dos servizos de seguridade pública de Galicia.
Fonte: Consello da Cultura Galega
Valentín García participa en Ribeira na inauguración do mural Castelao
O secretario xeral da Lingua, Valentín García, participou en Ribeira na inauguración do mural Castelao, que loce na praza de España ribeirense co gallo da programación conmemorativa do Ano Castelao impulsada desde a Xunta de Galicia.
Fonte: O Portal da Lingua Galega
Publícase un novo recurso terminolóxico sobre os océanos con termos en diferentes linguas, entre elas, o galego
Con motivo da Conferencia das Nacións Unidas sobre os Océanos, o Ministerio de Cultura francés e a rede Realiter publicaron un vocabulario multilingüe con 225 termos sobre o medio mariño. O galego forma parte das linguas incluídas grazas ao labor de Iolanda Galanes e Manuel Ángel Pombal, docentes da Universidade de Vigo.
Fonte: Consello da Cultura Galega
A Xunta e a Deputación de Ourense difunden o audiovisual galego cun ciclo de verán por 30 localidades da provincia
A Xunta de Galicia e a Deputación de Ourense difunden o audiovisual galego cunha escolma de filmes de distintos xéneros, todos eles realizados no noso idioma, cos que se artella un amplo ciclo de cine de verán con proxeccións ao aire libre en 30 localidades da provincia.
Fonte: O Portal da Lingua Galega
Boletín
Subscríbase ao boletín
