O alumnado de calquera nivel educativo poderá participar no concurso de microrrelatos e micropoemas en galego organizado polos centros de ensino da Estrada para fomentar a creación literaria nesta lingua e que este ano alcanza a súa sexta edición.

Fonte: Faro de Vigo

A Deputación da Coruña destinará 480 000 euros á convocatoria de axudas para a creación, mantemento e reforzo dos servizos municipais de normalización lingüística destinadas a concellos, mancomunidades e entidades locais da provincia. Así mesmo, os concellos poderán acceder ao programa “Lingua á escena” da Rede Cultural desta institución.

Fonte: Deputación da Coruña

Os presidentes de ambas as institucións mantiveron unha reunión na que asinaron un acordo de amizade e colaboración co obxectivo de estreitaren lazos entre o portugués e o galego.

Fonte: Real Academia Galega

A Deputación da Coruña convoca unha liña de axudas, que conta cun orzamento de 125 000), destinadas a empresas audiovisuais que distribúan, comercialicen ou exhiban obras en galego, co obxectivo de facilitar a difusión de películas e documentais realizados nesta lingua.

Fonte: La Opinión

O I Curso de especialista en refalado interlingüístico (inglés-español) comezará a impartirse en liña o vindeiro 21 de xaneiro e terá unha duración de 200 horas. Promovido por Galma, primeiro observatorio galego de accesibilidade aos medios, este curso afondará nas vantaxes do refalado lingüístico, un sistema empregado nos medios de comunicación para proporcionar servizos de accesibilidade a persoas con discapacidade auditiva.

Fonte: Universidade de Vigo

A Deputación de Pontevedra publicou no BOP a convocatoria de axudas para a dinamización lingüística destinadas a concellos e outras entidades locais que poderán escoller entre crear ou manter o servizo de normalización lingüística ou poñer en marcha programas de dinamización do galego.

Fonte: Deputación de Pontevedra

O concurso PanxoliñaZas, que este Nadal chegou á súa cuarta edición, xa ten gañadores.  Con este certame o Concello de Zas busca promover o uso da lingua galega e das novas tecnoloxías, así como manter as tradicións.

Fonte: Concello de Zas

O Centro Galego de Artes da Imaxe (CGAI)-Filmoteca de Galicia da Consellería de Cultura e Turismo dálle a benvida ao 2019 cunha celebración das linguas e do cine de Europa.

Fonte: Xunta de Galicia

A Consellería de Educación, Universidade e Formación Profesional facilitará que as alumnas e alumnos de centros públicos de ensino secundario de Galicia que estuden a materia de Francés como primeira ou segunda lingua estranxeira, estean matriculados nunha Sección Bilingüe en Francés ou cursen o programa de Bacharelato de dobre titulación BachiBac se presenten ás probas DELF Escolar (Diplôme d’Études en Langue Française).

Fonte: Xunta de Galicia

Os preto de 21 000 alumnos e docentes dos 267 centros educativos integrados na iniciativa E-Dixgal do Proxecto Abalar xa teñen acceso aos contidos educativos de Inglés da Editorial Pearson.

Fonte: Xunta de Galicia