Unha mensaxe de móbil é suficiente para participar nun concurso que organiza o Concello do Porriño. Ademais, premiarase o autor do sms que resulte gañador con 250 euros. A única condición é que ten que estar escrito en galego.

Fonte: La Voz de Galicia

A dependencia tecnolóxica de produtos e servizos é un dos grandes problemas que achega internet, pois os usuarios afanse á utilización de ferramentas que se converten en indispensables, polo que a súa manipulación ou fallo poden ter repercusións moi serias.

Fonte: Código Cero

Este ano os estudantes de Dereito non serán os únicos que poidan optar a seguir as súas clases en inglés. Este plan piloto tamén o probarán os alumnos da Escola Técnica Superior. En relación con esta medida, que aínda está a proba pero que se espera que co paso dos anos se converta en algo habitual nas aulas santiaguesas, Máximo Plo, vicerreitor de Oferta Docente e Espazo Europeo de Educación Superior, explica que "parece que en España dan pánico as linguas, pero a cuestión é poñerse".

Fonte: La Voz de Galicia

O presidente do Partido Popular de Galicia, Alberto Núñez Feijóo, afirma que derrogará o decreto que regula o galego no ensino se gaña as eleccións. Segundo manifestou nunha rolda de prensa, Núñez Feijóo desexa "volver ao consenso" e "ao bilingüismo cordial".

Fontes: Galicia Hoxe; El País; Televisión de Galicia

O programa oficial do San Froilán 2008 contará con 25 exemplares en braille -o medio de lectura táctil que empregan as persoas cegas- e que poderán ser consultados polos afiliados á ONCE na sede da fundación na rúa San Roque e no Centro de Interpretación da Muralla.

Fonte: XornalGalicia

A Secretaría Xeral de Política Lingüística foi a única institución pública relacionada directamente coa lingua que se pronunciou sobre a presentación esta semana en Santiago da Academia Galega da Língua Portuguesa. Marisol López, máxima responsable do organismo, explicou que a única academia á que «apoia e respecta é a Real Academia Galega, que é realmente a nosa institución oficial de defensa e promoción da lingua galega».

Fonte: La Voz de Galicia

O programa ten unha cota de pantalla do 15,5 por cento e multiplicou o número de espectadores no último mes, ata chegar aos 110.000 de media

Entre o Telexornal e o Cifras e Letras, o espazo dirixido e presentado por Xesús Ferro Ruibal chegará á páxina web da televisión á carta

A Secretaría Xeral de Política Lingüística financia este produto televisivo, que tamén se emite para América e para o continente europeo

A secretaria xeral de Política Lingüística, Marisol López, o director de Comunicación e Relacións Externas da CRTVG, Pastor Lorenzo, e o académico e secretario do Centro Ramón Piñeiro para a Investigación en Humanidades, Xesús Ferro Ruibal, presentaron en Santiago o microespazo Ben Falado!, un programa divulgativo sobre a lingua galega que desde o mes pasado se emite na franxa da sobremesa na Televisión de Galicia. Dirixido e presentado por Xesús Ferro, Ben Falado! pretende ensinar deleitando, con explicacións sobre toponimia e antroponimia, ortografía, fraseoloxía, gramática ou vocabulario, dun xeito ameno e áxil.

Concibido como un “prato combinado”, nos tres minutos de duración de cada capítulo o programa achega explicacións sobre nomes e apelidos, topónimos, curiosidades léxicas, gramaticais ou ortográficas. Ademais, este microespazo de servizo público ofrece reportaxes sobre como se move a lingua en centros de ensino, empresas, na internet ou no tecido asociativo, e achégase tamén ás novas tecnoloxías da lingua, á literatura galega e á historia da lingua. Ocúpase de todos os sectores de idade e abrangue todos os sectores sociais, de forma parella á presenza da lingua galega en todos eles.

Multiplicouse a audiencia
Desde que comezou a súa emisión na Galega, o pasado 20 de xullo, a audiencia do Ben Falado! non deixou de medrar. No pasado mes de setembro o programa deixou a franxa matinal na que se emitía e pasou a ocupar a sobremesa de luns a venres, despois do Telexornal Mediodía e antes do Cifras e Letras. Desde entón, duplicou a súa cota de pantalla, que chega na actualidade ao 15,5 por cento, cunha media de 110.000 espectadores que se multiplicaron ao longo deste tempo, o que supón un éxito de audiencia.

Á vista da boa marcha do programa e para que este chegue a un maior número de persoas interesadas, está previsto que a semana que vén estean xa dispoñibles, na páxina web da CRTVG, na sección de Televisión á carta, os 50 capítulos emitidos ata o de agora e todos os que se vaian ofrecendo diariamente. Ben Falado tamén pode seguirse diariamente en Arxentina, Uruguai, Brasil e México e en toda Europa.

Ben Falado!, financiado pola Secretaría Xeral de Política Lingüística, responde aos obxectivos do Plan xeral de normalización da lingua galega, que establece como un dos obxectivos que cómpre conseguir no ámbito dos medios de comunicación o de lograr que os medios públicos ofrezan unha programación prestixiadora da lingua. Neste sentido, quíxose aproveitar o potencial da Televisión de Galicia como un dos axentes máis importantes de difusión, para emitir un programa sobre o galego con rigor, amenidade e xerador de interese ao redor da lingua.

Fonte: Xunta de Galicia

A Xunta de Galicia investirá cerca de 800.000 euros para crear e reforzar o servizo de normalización lingüística. En total, a Consellería de Presidencia investirá 799.875 euros en axudas para 145 entidades locais, unhas subvencións que se destinarán a 30 municipios e a 115 organismos para organizar e desenvolver campañas de normalización.

Fonte: La Voz de Galicia

Un equipo de investigadores da Universidade de Santiago de Compostela liderou un estudo para o Ministerio de Educación sobre a aprendizaxe de idiomas nos centros de linguas das universidades españolas. Analizaron o estado actual destes centros e presentaron propostas de mellora para a súa converxencia no Espazo Europeo de Educación Superior (EEES). A finalidade é poder deseñar un modelo común.

Fonte: Axencia Galega de Noticias

O Consello de Goberno da UNED (Universidad Nacional de Educación a Distancia) que se celebrará o próximo día 23 de outubro ten previsto apoiar unha proposta da comisión de investigación celebrada en setembro, pola que se poderán leer as teses de doutoramento en calquera dos idiomas cooficiais de España.

Fonte: Faro de Vigo