A Asociación de Escritoras e Escritores en Lingua Galega e a Mesa pola Normalización Lingüística presentaron na sede de Nacións Unidas un informe sobre dereitos lingüísticos en Galicia que conta co apoio de 26 personalidades do ámbito cultural da lusofonía.

Fonte: Consello da Cultura Galega

O programa «Curso acelerado de galeguidade», presentado por Dani Polo, aborda o valor da lingua galega a través de cinco leccións, explorando como a perciben e a viven as persoas estranxeiras que residen en Galicia.

Fonte: CRTVG

O secretario xeral da Lingua, Valentín García, inaugurou hoxe a XI Xornada do Día das Letras Galegas, sesión formativa coa que o Goberno galego divulga entre o profesorado galego o cancioneiro popular “co obxecto de que acheguen o seu alumnado a este importante legado do patrimonio inmaterial”, co gallo da celebración das Letras Galegas, dedicadas este ano ás cantareiras e a poesía tradicional oral que elas interpretaban.

Fonte: O Portal da Lingua Galega

O secretario xeral da Lingua, Valentín García, participou na presentación da obra I Cantigas de amor, elaborada no marco do proxecto Universo Cantigas co que a Xunta colabora para a divulgación da lírica galego-portuguesa. Trátase do primeiro dos tres volumes que se publica, como resultado do traballo de investigación sobre a poesía medieval iniciado en 2016.

Fonte: O Portal da Lingua Galega

A Facultade de Humanidades do Campus de Lugo organiza un obradoiro de apoderamento lingüístico co obxectivo de capacitar as persoas que traballan na xestión cultural para deseñar accións que activen novos falantes en galego. Esta iniciativa pretende ofrecer respostas eficaces fronte ao descenso no uso da lingua e promover unha participación activa e consciente na súa recuperación desde o ámbito cultural.

Fonte: Universidade de Santiago de Compostela

A Xunta convocou seis bolsas para formar lectores e lectoras de galego en universidades de España e do estranxeiro, co fin de promover a lingua e cultura galegas no exterior e apoiar profesionais da docencia. O programa, de tres anos de duración, combina docencia, investigación e difusión, ademais de ofrecer opcións de formación complementaria en estudos de posgrao.

Fonte: La Voz de Galicia

No foro «Un país coa súa lingua» propuxéronse medidas para favorecer a integración lingüística de persoas migrantes, como programas de acollida transcultural, puntos de encontro en galego no rural e contidos dixitais adaptados. Tamén se reclamou visibilizar o galego na sanidade e na ciencia e destacouse a necesidade de promover o idioma en ámbitos clave da vida social. Así mesmo, recoñeceuse a diversidade como unha oportunidade para fortalecer a lingua.

Fonte: Consello da Cultura Galega

A Xunta de Galicia acaba de publicar no Diario Oficial de Galicia as datas para a realización dos exames que permiten obter os certificados oficiais que acreditan o coñecemento da lingua galega e que se celebrarán entre o 10 e o 31 de maio en Santiago de Compostela, Ponferrada e, tras máis dunha década, volverán a facerse tamén en Madrid.

Fonte: O Portal da Lingua Galega

O secretario xeral da Lingua, Valentín García, acompañou a Antonino Nieto na presentación do poemario A lingua do anxo ou carrusel de poemas con viño. Participaron canda eles, Alfredo Conde, Xosé Perozo e Claudio Rodríguez Fer, nun acto que acolleu a Sala de Ámbito Cultural de El Corte Inglés de Santiago de Compostela.

Fonte: O Portal da Lingua Galega

O secretario xeral da Lingua, Valentín García, participou na presentación das iniciativas que impulsa a Asociación Cultural Casino de Santiago co gallo do Día do Libro. Acompañárono o presidente e secretaria da entidade, Ubaldo Rueda e Maribel Martín, respectivamente.

Fonte: O Portal da Lingua Galega