A Consellería de Cultura, Educación e Ordenación Universitaria, por medio da Secretaría Xeral de Política Lingüística, botou a andar os Encontros teatrais dos Axóuxeres destinados aos máis pequenos do fogar e ás súas familias.

Fonte: Xunta de Galicia

O Diario Oficial de Galicia publica a listaxe de proxectos que se benefician das axudas para tradución da Consellería de Cultura, que contaron nesta xeira cun total de 167 999 euros. A liña afecta tanto a versións en galego de obras foráneas como á translación a outras linguas desde o galego.

Fonte: Culturagalega.org

A Consellería de Cultura, Educación e Ordenación Universitaria, por medio da súa Secretaría Xeral de Política Lingüística, acolleu a visita do alumnado da Universidade de Santiago de Compostela (USC) que se está a especializar na planificación sociolingüística do galego, no marco dos estudos pertencentes á titulación de Filoloxía Galega.

Fonte: Xunta de Galicia

Grazas á aplicación para dispositivos con Android 2.1 ou superior chamada MicoKey, traducida ao galego e de balde, temos a posibilidade de recoñecer as especies de cogomelos máis comúns en Galicia.

Fonte: CEG

O 18 de setembro Twitter comunicou a todos os que pediran unha tradución ao galego que, por fin, ían tela. A cambio, os usuarios, sen aspirar a unha remuneración, deben elaborar un glosario nesta lingua.

Fonte: El País

O pasado 26 de outubro daban comezo en Lugo unhas xornadas baixo o título Proxéctate en Galego. No encontro quíxose subliñar o potencial do galego como lingua de cara ao emprendemento, á tecnoloxía e á comunicación e informouse da próxima posta en marcha do Espazo USC: Proxéctate en Galego.

Fonte: Código Cero

A comunidade aberta dedicada á adaptación ao galego do sistema GNU-Linux e do software libre en xeral, Proxecto Trasno, vén de liberar unha nova versión do corrector ortográfico Hunspell para o galego: a versión 12.10 'Manuel Pintos', un traballo realizado baixo a coordinación de Antón Méixome.

Fonte: Sermos Galiza

O presidente en funcións da Xunta, Alberto Núñez Feijóo, destacou, durante unha xuntanza cos directores dos proxectos do Centro Ramón Piñeiro para a Investigación en Humanidades, o traballo deste organismo para facer do galego unha ferramenta apta para calquera campo do saber.

Fonte: Xunta de Galicia

CilenisTM, a empresa Spin-Off especializada en produtos de enxeñería lingüística, elaborou unha ferramenta que examina de forma automática a calidade do idioma galego na escrita.

Fonte: CEG

Google renovou a súa aplicación de busca para iPhone, iPod Touch e iPad, que facilita o uso das aplicacións en liña de Google dende os dispositivos de Apple e que destaca especialmente por permitir introducir consultas mediante voz, o que, ao igual que acontece co widget de busca de Google para Android, tamén pode configurarse agora en galego.

Fonte: Código Cero