O concello lucense de Viveiro, o ourensán de Boborás e o coruñés de Corcubión acollerán esta semana o concerto-obradoiro Brinca vai de aquí a acolá! co que o programa FalaRedes, promovido pola Consellería de Cultura, Educación e Ordenación Universitaria, por medio da Secretaría Xeral de Política Lingüística, está a dinamizar o galego entre a xente miúda e as súas familias.

Fonte: Xunta de Galicia

O Instituto Galego de Estatística (IGE) presenta os datos da Enquisa de condicións de vida das familias do ano 2013, que se centrou, como xa acontecera no 2003 e 2008, na análise do coñecemento e uso do galego.

Fonte: Consello da Cultura Galega

Alemaña, Croacia, Francia, Polonia, Romanía … e mesmo China, este cuadrimestre foron arredor de 40 as mozas e mozos que chegados de diferentes lugares da xeografía mundial aproveitaron a súa estancia en Galicia para coñecer máis de preto a lingua e a cultura do destino que elixiron para realizar as súas estadías internacionais.

Fonte: Universidade de Vigo

A mostra itinerante “Nimbos de Luz” -promovida pola Consellería de Cultura, Educación e Ordenación Universitaria por medio das secretarías xerais de Política Lingüística e de Cultura- fai parada estes días no IES Fernando Blanco de Cee.

Fonte: Xunta de Galicia

Coñecer cales son os atractivos e interese que pode ter o galego no panorama académico de fóra de Galicia. Este é o principal obxectivo do seminario internacional “Estudos Galegos/Estudos Ibéricos. Alén das fronteiras”, que se desenvolverá na sede do Consello da Cultura Galega entre os días 17 e 19 de decembro.

Fonte: Consello da Cultura Galega

A Federación de Comerciantes e Industriais do Morrazo (FECIMO) organiza, no marco da campaña de Nadal 2014, a xincana infantil “Os caza-palabras”, dirixida a nenas e nenos de entre 4 e 14 anos. Trátase dunha actividade lúdica relacionada coa lingua galega (os participantes terán que “cazar” a palabra escrita correctamente en galego) co obxectivo de que as familias interactúen co tecido empresarial do Morrazo.

Fonte: Consello da Cultura Galega

A concelleira de Normalización Lingüística, María Corral, e o vicepresidente da Cámara de Comercio de Santiago, Evaristo Rodríguez Carracedo, deron a coñecer os gañadores da XV edición dos Premios Manuel Beiras. Conxelados José Bermúdez, Promove Consultoría e Formación e a Asociación Puntogal serán os galardoados nesta ocasión.

Fonte: Concello de Santiago de Compostela

O concerto de fados ‘Os sons do vento que pasa’ despide esta semana a súa exitosa xira no marco do FalaRedes 2014, o programa de fomento do galego promovido pola Consellería de Cultura, Educación e Ordenación Universitaria por medio da Secretaría Xeral de Política Lingüística co que chegou a 36 concellos de toda Galicia.

Fonte: Xunta de Galicia

Apple segue sen incorporar o galego, tanto nos seus dispositivos móbiles como nos seus sistemas de escritorio, o que levou a Diego Boquete e Brais Fortes a xuntarse para reivindicar a galeguización do software de Apple a través da páxina web Queremos Apple Galego.

Fonte: Código Cero

O conselleiro de Cultura, Educación e Ordenación Universitaria, Xesús Vázquez Abad, deu a coñecer a ampla programación de Nadal que chegará a concellos da Rede de Dinamización Lingüística (RDL) da Xunta de Galicia, da man dunha edición de Nadal en Rede renovada e ampliada no marco da programación anual de actividades da RDL.

Fonte: Xunta de Galicia