A Consellería de Cultura, Educación e Ordenación Universitaria volve, unha fin de semana máis, a achegarlle a lingua galega aos concellos da Rede de Dinamización Lingüística (RDL) por medio do programa ‘FalaRedes’.

Fonte: Xunta de Galicia

O Concello de Oroso convoca o concurso de receitas de Entroido “En galego sabe mellor”, unha iniciativa que chega este ano á súa cuarta edición e coa que se busca combinar a recuperación de receitas tradicionais de Entroido co uso da lingua galega.

Fonte: Concello de Oroso

O BNG denunciou que A Coruña é a única cidade da Comunidade Autónoma na que o Goberno local non utiliza o galego, pese a ser a urbe de Galicia con máis falantes desta lingua.

Fonte: La Opinión

Nace Táboas, un novo medio dixital en lingua galega especializado en deporte galego. O equipo redactor comprométese a ofrecer as principais novidades deportivas en Galicia, tratando con equidade os temas relacionados coas diferentes disciplinas (fútbol, baloncesto, patinaxe, competicións de motor…).

Fonte: Consello da Cultura Galega

A Consellería de Cultura, Educación e Ordenación Universitaria levou a fin de semana ‘O Señor das dunas’ aos concellos de Fene, Abegondo e Forcarei, todos eles pertencentes á Rede de Dinamización Lingüística (RDL) da Xunta de Galicia.

Fonte: Xunta de Galicia

Miles de persoas, convocadas pola plataforma Queremos Galego, percorreron as rúas de Santiago de Compostela en defensa da lingua galega e contra a política lingüística levada a cabo polos gobernos do Partido Popular, tanto na Xunta de Galicia como na Administración central.

Fonte: Europa Press

Ramón Nicolás botou a andar o Taboleiro do Libro Galego. O proxecto achegará unha listaxe semanal das obras máis vendidas en galego, atendendo ás categorías de Narrativa, Poesía, Ensaio-Teatro, Literatura Infantil e Xuvenil, Banda Deseñada e mais Álbum Ilustrado.

Fonte: Consello da Cultura Galega

A música é un gran vehículo para promover o uso do galego entre a xente nova e ese é o obxectivo que se propuxo a Concellería de Normalización de Pontevedra con este programa no que participa Aid, cantante e compositora de hip-hop e música urbana.

Fonte: La Voz de Galicia

Galego: a chave do mundo. Ese é o lema da nova edición do Correlingua, a de 2013, que xa ten datas e que ten abertos os prazos dos diferentes concursos: vídeo, banda deseñada, elaboración de manifesto e cantalingua.

Fonte: CTNL

A Vicedirección e o Equipo de Normalización Lingüística do IES Laxeiro convocan o concurso Nove palabras que precisa o galego.

Fonte: Faro de Vigo