A día de hoxe a Galipedia achégase xa ás cen mil entradas grazas ao traballo e colaboración de miles de voluntarios que fan posible a existencia deste portal e grazas tamén aos mecanismos comunitarios de revisión entre iguais.

Fonte: Código Cero

O conselleiro de Cultura, Educación e Ordenación Universitaria, Xesús Vázquez Abad, salientou na celebración do acto institucional conmemorativo do 176 aniversario do nacemento de Rosalía de Castro, a importancia do recoñecemento colectivo que Galicia brinda á obra e á figura rosaliana.

Fonte: Xunta de Galicia

O galardón número 29 da Fundación Curros Enríquez recaeu este ano, por decisión do padroado, nunha empresa e a elixida por unanimidade foi R Telecomunicacións, a primeira operadora galega que desde a súa fundación, en 1998, "mantivo o compromiso co noso idioma, coa nosa cultura e coa nosa terra", segundo se recolle na acta asinada polos integrantes do padroado e membros do xurado.

Fonte: Faro de Vigo

A Consellería de Cultura, Educación e Ordenación Universitaria, a través da Secretaría Xeral de Política Lingüística e da Dirección Xeral de Educación, Formación Profesional e Innovación Educativa, convoca o concurso Imaxina Cantares!. A iniciativa, dirixida aos equipos de dinamización da lingua galega (EDLG) dos centros de ensino galegos de titularidade pública, enmárcase nas accións coas que a Xunta de Galicia se suma á conmemoración do 150.º aniversario da publicación de Cantares Gallegos, obra inaugural do Rexurdimento galego.

Fonte: Xunta de Galicia

O conselleiro de Cultura, Educación e Ordenación Universitaria, Xesús Vázquez Abad, recibiu a unha delegación conformada por representantes de organizacións de India para abordar as posibilidades de colaboración entre Galicia e India, en especial nas áreas de aprendizaxe de linguas, formación profesional e programas educativos europeos.

Fonte: Xunta de Galicia

A convocatoria do Premio “Rosalía de Castro” de Lingua e Cultura está destinada a recoñecer iniciativas, traballos recentes, traxectorias, de persoas individualmente, colectivos ou entidades comprometidas coa promoción e dignificación social do patrimonio lingüístico e cultural galego.

Fonte: Boletín Oficial da Provincia da Coruña

Xosé Luís Méndez Ferrín presentou a súa dimisión como presidente da Real Academia Galega (RAG). Fíxoo por carta, á comisión executiva da institución e aos membros numerarios. Tamén renuncia á súa condición de membro numerario da RAG.

Fonte: Culturagalega.org

A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, deu a coñecer na Coruña o novo Dicionario de alimentación e restauración galego-castelán-inglés, elaborado polo Servizo de Terminoloxía Científico-Técnica Galega TERMIGAL, no que colaboran a Xunta de Galicia e a Real Academia Galega (RAG).

Fonte: Xunta de Galicia

A Consellería de Cultura, Educación e Ordenación Universitaria convocará 140 prazas para a realización de itinerarios formativos para a mellora das competencias lingüísticas e comunicativa do profesorado.

Fonte: Xunta de Galicia

A Universidade de Vigo convoca catro bolsas de formación na súa Área de Normalización Lingüística (ANL) destinadas á formación complementaria do estudantado, que participará nas actividades de dinamización lingüística e formación que se desenvolven na ANL.

Fonte: CTNL