Galicia

A Xunta convoca as axudas para proxectos de fomento do uso do galego nos centros educativos

O DOG do 15 de xaneiro publica dúas convocatorias de axudas para proxectos de fomento do uso do galego dirixidas ao ámbito do ensino non universitario, unha destinada a centros públicos e outra a centros privados.

Fonte: Consello da Cultura Galega

O prazo para recoller sinaturas de apoio á iniciativa para mellorar a programación infantil e xuvenil en galego amplíase ata abril

A Mesa pola Normalización Lingüística anunciou que se amplía ata o 2 de abril a recollida de sinaturas para a proposición non de lei de iniciativa popular para instar a Xunta a incrementar a oferta en galego destinada á infancia e á mocidade nas televisións públicas a través dunha canle Xabarín.

Fonte: Nós Diario

Román Rodríguez subliña o valor histórico e cultural do epistolario entre Carvalho Calero e Otero Pedrayo recollido na obra ‘Polos camiños das horas’

O conselleiro de Cultura, Educación e Universidade, Román Rodríguez, participou, no Pazo do Hórreo, na presentación do volume Polos camiños das horas, que recolle a correspondencia entre Ramón Otero Pedrayo e Ricardo Carvalho Calero, a quen se lle dedicou o pasado Día das Letras Galegas.

Fonte: O Portal da Lingua Galega

Un equipo de investigación da Universidade de Santiago analiza a distribución dos apelidos en Asturias

A análise da distribución dos apelidos no Principado permitiulle a un equipo de investigación da Universidade de Santiago de Compostela fixar catro rexións onomásticas cunha configuración similar ás áreas dialectais tradicionalmente establecidas no dominio asturiano.

Fonte: Universidade de Santiago de Compostela

O ILG crea XeraWord, unha nova ferramenta de xeración automática de galego e portugués

XeraWord é unha ferramenta piloto de xeración automática da frase nominal simple en galego e portugués creada polo Instituto da Lingua Galega (ILG) e baseada na tradución automática de léxico extraído da base de datos do idioma inglés WordNet.

Fonte: Universidade de Santiago de Compostela

Nace un certame para a creación de xogos de mesa en galego

A empresa Xandobela, co apoio da Deputación da Coruña, impulsa Xoga en Galego, o primeiro certame de creación de xogos de mesa en lingua galega para público infantil e familiar. As persoas interesadas en participar deberán remitir as súas propostas lúdicas que despois se publicarán na web Somosxogo.gal, de xeito que se creará un repositorio de xogos nesta lingua.

Fonte: Culturagalega

As consultas ao Dicionario da Real Academia Galega en 2020 medraron case un 50 % con respecto ao ano anterior

O Dicionario da Real Academia Galega superou as 38.500.000 consultas en 2020, o que supón unha media de máis de 105.000 ao día. O punto de inflexión estivo marcado pola entrada en vigor do primeiro estado de alarma por mor da pandemia da covid-19, o que provocou que se alcanzase unha marca histórica de buscas en maio.

Fonte: Real Academia Galega

O Concello de Pontevedra presenta unha publicación dedicada ao léxico das costureiras

O Concello de Pontevedra presenta Léxico de costureiras, unha publicación que recolle termos e expresións profesionais transmitidas por costureiras de Mourente, Lérez e Santa María de Xeve.

Fonte: Consello da Cultura Galega

O Instituto da Lingua Galega pon en marcha un programa de participación cidadá para a achega de datos léxicos

O Instituto da Lingua Galega (ILG) puxo en marcha DOA, un programa de participación cidadá para a achega de datos léxicos que forma parte do proxecto Patrimonio léxico da Gallaecia, que ten como obxectivo documentar e mostrar a variación no léxico patrimonial actual dentro dos concellos que forman parte da Eurorrexión Galicia-Norte de Portugal.

Fonte: Universidade de Santiago de Compostela

O Centro Dramático Galego estrea a obra 'O charco de Ulises' coa que abre un novo modelo de produción e distribución

O Centro Dramático Galego (CDG), unidade teatral da Xunta de Galicia, estrea o xoves 14 de xaneiro a súa primeira produción propia da actual temporada, O charco de Ulises.

Fonte: O Portal da Lingua Galega

Boletín

Subscríbase ao boletín

Logo Feder