Galicia

Nace “O meu PC”, unha web en galego dedicada a compartir coñecementos sobre cuestións tecnolóxicas

O meu PC, a guía do software en galego é unha web que ten como obxectivo divulgar e compartir coñecementos sobre aplicacións e computadoras e na que se publicará un artigo sobre un tema concreto cada dous días.

Fonte: Galicia Confidencial

A Xunta impulsa máis de 40 actividades para celebrar o Mes da Ciencia en Galego nas Bibliotecas

A Xunta de Galicia impulsa máis de 40 actividades para celebrar este novembro o Mes da Ciencia en Galego nas Bibliotecas da rede pública da Consellería de Cultura, Educación, FP e Universidades, así como nas bibliotecas escolares. O obxectivo desta iniciativa, que se desenvolverá ata o día 30 deste mes, é sensibilizar os máis novos sobre a necesidade de usar o galego na literatura científica.

Fonte: Xunta de Galicia

Estréase Superheroínas, unha serie na que sete voces femininas promoven o uso cotián do galego

A Universidade de Santiago e a Real Academia Galega presentaron Superheroínas, unha produción audiovisual realizada ao abeiro do proxecto ‘Novas voces para a lingua’, cuxo obxectivo é fomentar o uso cotián do galego entre a mocidade.

Fonte: Real Academia Galega

Spotify anuncia que o galego será unha das próximas linguas en incorporarse á plataforma

Despois de que o catalán se incorporarse recentemente a Spotify grazas a un acordo asinado entre o FC Barcelona e a compañía, a empresa anunciou que os seguintes idiomas en ser incorporados a Spotify serán, no ano 2023, o galego e o éuscaro.

Fonte: Neofalantes

O Concello de Melide organiza unha campaña para fomentar o uso do galego no ámbito funerario

Empresas e entidades locais do ámbito funerario sumáronse a campaña «Melide, agora e sempre en galego», unha iniciativa impulsada desde o Concello para avanzar na normalización desta lingua nos actos litúrxicos, as necrolóxicas, os recordos florais, as lápidas funerarias, as derradeiras vontades ou os testamentos.

Fonte: Concello de Melide

A Universidade de Santiago aproba o seu novo Regulamento de Usos Lingüísticos

Co novo Regulamento de Usos Lingüísticos da Universidade de Santiago búscase asegurar o status de lingua propia do galego; garantir os dereitos lingüísticos da comunidade universitaria e da cidadanía en xeral; e contribuír ao uso do galego en certos ámbitos.

Fonte: Universidade de Santiago de Compostela

O Concello de Ames convoca unha nova edición do Premio Lingua e Empresa

O Premio Lingua e Empresa, que chega este ano á súa quinta edición, ten como obxectivo fomentar o uso do galego na actividade empresarial de Ames. A dotación económica do galardón é de 3000 euros, que se repartirán entre dúas categorías.

Fonte: Concello de Ames

Xa se coñecen os gañadores do Premio San Martiño de Normalización Lingüística deste ano

A Asociación Cultural O Brado da Estrada entrega cada ano estes premios para recoñecer  a persoas e colectivos que destacan polo seu labor de promoción do galego. Así, nesta 31ª edición os galardoados son Tanxugueiras, na categoría Galicia Enteira; a catedrática Mercedes Brea López, na categoría Toda unha vida; e as empresas Ausama (Lamela) e Ausavil (A Estrada) pola difusión desta lingua na comarca de Tabeirós Terra de Montes.

Fonte: Consello da Cultura Galega

A Universidade de Santiago convoca axudas para a realización de teses de doutoramento en galego

A USC publicou a convocatoria de axudas para a realización de teses de doutoramento en galego ás que poderá acceder o alumnado de programas de doutoramento que redacte e defenda nesta lingua a súa tese.

Fonte: Consello da Cultura Galega

Denuncian a imposibilidade de celebrar unha voda en galego

A Mesa pola Normalización Lingüística denuncia que para oficiar unha voda en galego a única posibilidade é que se celebre en castelán con interpretación simultánea. Isto aconteceu en Vigo cando unha parella solicitou que a súa voda se oficiase en galego.

Fonte: Xornal de Vigo

Boletín

Subscríbase ao boletín

Logo Feder