Galicia

O Concello da Coruña entrega os premios do certame de fomento da escrita en galego “Cartas de verán”

A alcaldesa da Coruña entregoulles os agasallos ás 42 nenas e nenos que participaron na primeira edición do certame ‘Cartas de verán’, unha iniciativa que, durante a tempada estival, promoveu a escrita en galego entre a cativada de ata 12 anos.

Fonte: A Coruña na Rede

Román Rodríguez amósase en Rabat “orgulloso e confiado” porque un programa cultural nacido nas aulas galegas poida ser considerado pola Unesco “un exemplo para o mundo”

O conselleiro de Cultura, Educación, FP e Universidades, Román Rodríguez, xa está en Rabat para apoiar o proxecto «Ponte… nas Ondas!», a candidatura que opta a ser recoñecida pola Unesco como “un modelo para o mundo”.

Fonte: O Portal da Lingua Galega

Preséntase unha iniciativa lexislativa popular para corrixir os erros no Himno de Galicia

Unha trintena de persoas impulsou unha iniciativa lexislativa popular para corrixir castelanismos e hiperenxebrismos do Himno de Galicia, froito das sucesivas interpretacións e reproducións por escrito do texto.

Fonte: Galicia Confidencial

O Concello de Vilagarcía organiza un obradoiro para fomentar o uso do galego no ámbito familiar

O sábado 3 de decembro o Concello de Vilagarcía organiza o obradoiro «O Lar das Palabras», unha actividade dirixida a familias con fillas/os con idades de 3 a 8 anos durante a que realizarán o seu propio dicionario en galego.

Fonte: Consello da Cultura Galega

O Concello de Outes fomenta o uso do galego no Nadal

O Concello de Outes organiza un ano máis “O noso Nadal”, unha iniciativa coa que pretende promover o uso do galego, así como a creatividade e a decoración das vivendas e comercios no Nadal a través de dous concursos.

Fonte: Concello de Outes

Comeza unha campaña da Mesa pola Normalización Lingüística para animar a comprar agasallos en galego

A Mesa pola Normalización Lingüística lanzou un catálogo de Nadal con máis de cen propostas de agasallos en lingua galega. Con esta iniciativa, que se enmarca no proxecto 'Abertos ao Galego',  a entidade busca recoñecer o papel e o compromiso das empresas que empregan este idioma.

Fonte: Galicia Confidencial

O Premio Otero Pedrayo 2022 recoñece a traxectoria do investigador e xenetista Ángel Carracedo

O secretario xeral de Política Lingüística, Valentín García, participou no Museo Nacional de Ciencia e Tecnoloxía da Coruña na entrega do Premio Otero Pedrayo 2022 que, nesta edición, recaeu no investigador e catedrático de Medicina Legal da Universidade de Santiago de Compostela Ángel Carracedo.

Fonte: O Portal da Lingua Galega

A Xunta contribúe á celebración do bicentenario do concello de Paradela coa publicación dun libro elaborado por alumnado da contorna

O secretario xeral de Política Lingüística, Valentín García, visitou o colexio CEIP Plurilingüe San Miguel para participar na presentación do libro A Paradela dos máis novos, elaborado por estudantes de Infantil, Primaria, ESO e Bacharelato de Paradela e editado polo Colectivo Egeria coa colaboración da Xunta no marco das celebracións polo bicentenario do concello lucense.

Fonte: O Portal da Lingua Galega

A Real Academia Galega publica un estudo sobre a incidencia na desgaleguización da infancia das actividades extraescolares e de conciliación

O Seminario de Sociolingüística realizou un novo estudo para afondar na análise dos factores que inflúen no abandono do galego durante a infancia. Nel constátase a importancia dos centros educativos e, máis concretamente, doutros espazos como as actividades extraescolares, de conciliación e deportivas.  

Fonte: Real Academia Galega

A Xunta e a Federación Galega de Bandas de Música populares recuperan o seu certame para unha 15ª edición que reunirá en Celanova uns 400 músicos

Arredor de 400 músicos de oito formacións galegas daranse cita na fin de semana do 3 e 4 de decembro no Auditorio Municipal Ilduara de Celanova con motivo do XV Certame Galego de Bandas.

Fonte: O Portal da Lingua Galega

Boletín

Subscríbase ao boletín

Logo Feder