Galicia

Os Premios Peña Novo destacan o compromiso co galego dos galardoados no desempeño da súa actividade profesional

O xurado dos Premios Peña Novo acordou galardoar polo seu compromiso co galego no desenvolvemento da súa actividade profesional ao profesor emérito da Universidade de Santiago, Manuel Bermejo Patiño; á maxistrada, Paz Filgueira Paz; e ao director do Instituto Galego de Física de Altas Enerxías, Carlos Salgado López.

Fonte: Faro de Vigo

A Mesa pola Normalización Lingüística lanza un videoclip dedicado aos fenómenos meteorolóxicos en galego

A Mesa pola Normalización Lingüística acaba de lanzar un videoclip, realizado polo ilustrador Miguel Robledo a partir da canción O tempo meteorolóxico de Magín Blanco e destinado ao alumnado de educación infantil, co obxectivo de potenciar o uso de vocabulario en galego neste ciclo educativo.

Fonte: Código Cero

Os gañadores de 'Nós tamén creamos!' e de 'REC-CURTA' visitan o festival de cine de Cans

O secretario xeral de Política Lingüística, Valentín García, e o director do Festival de Cans, Alfonso Pato, acompañaron 43 estudantes do CEIP A Xunqueira n.º 2 de Pontevedra, 25 do CPR Plurilingüe Padres Franciscanos de Lugo e outros 25 do CPR Plurilingüe María Inmaculada de Vigo na súa visita ao XVI Festival de Cans.

Fonte: O Portal da Lingua Galega

O IES A Sangriña da Guarda elabora un documental sobre a situación do galego neste concello

O Equipo de Normalización Lingüística do IES A Sangriña presentou o documental As linguas na Guarda. (RE)construíndo a autoestima, elaborado co alumnado de 3º da ESO co obxectivo de alertar sobre a perda de falantes de galego neste concello.

Fonte: Consello da Cultura Galega

A Xunta e a Academia Xacobea promoven a poesía arredor do Camiño de Santiago

A Consellería de Cultura e Turismo, co patrocinio de Ediciones Carena, promove a poesía arredor do Camiño de Santiago e do Xacobeo 2021, co I Premio de Poesía Camiño de Santiago.

Fonte: O Portal da Lingua Galega

A Deputación da Coruña presenta a publicación "Malas linguas"

A publicación Malas linguas recolle información e recursos relacionados coas xornadas homónimas que se celebraron entre outubro do 2018 e maio de 2019, durante as cales se reflexionou e se deseñaron estratexias para activar os/as falantes do século XXI.

Fonte: Consello da Cultura Galega

O galego escóitase por vez primeira en Cannes coa estrea do filme de Oliver Laxe 'O que arde', producido co apoio da Xunta

A lingua galega escoitouse por vez primeira desde as pantallas de cinema do Festival de Cannes na estrea da película de Oliver Laxe O que arde, coa que foi seleccionado para competir na sección Un Certain Regard, que o certame francés lle dedica a obras con olladas cinematográficas orixinais e diferentes.

Fonte: O Portal da Lingua Galega

A mostra ‘Antonio Fraguas, memoria dun soño’ exhíbese en Cerdedo-Cotobade

A mostra Antonio Fraguas, memoria dun soño. Viaxe a unha Galicia orgullosa de si mesma, promovida pola Consellería de Cultura e Turismo no marco da programación institucional Letras Galegas 2019, exhíbese ata finais de maio en Cerdedo-Cotobade, municipio natalicio de Fraguas.

Fonte: O Portal da Lingua Galega

Un total de 47 iniciativas de fomento do galego opta aos premios Mil Primaveras

Un total de 47 proxectos opta aos premios Mil Primaveras, convocados pola Coordinadora de Traballadores/as de Normalización da Lingua (CNTL), a maioría iniciativas de fomento do galego dirixidas á infancia e á mocidade.

Fonte: Sermos Galiza

Só un de cada seis concellos galegos conta con servizo de normalización lingüística

Segundo datos do Consello da Cultura Galega, actualmente dos 313 concellos de Galicia só 52 contan cun servizo de normalización lingüística. Destes pouco máis dun terzo dispoñen de persoal funcionario ou fixo, o que se traduce en inestabilidade nestes departamentos.

Fonte: Praza Pública

Boletín

Subscríbase ao boletín

2 + 0 =
Logo Feder