Galicia

Elsa Muñiz presenta en ‘Memories: sete pezas para piano’ o “Pianotelling”, un novo concepto da música clásica

O secretario xeral de Política Lingüística, Valentín García, asistiu no Conservatorio Profesional de Música de Santiago de Compostela á presentación da obra interdisciplinar de Elsa Muñiz, na que se mestura literatura, ilustración e música, Memories: Sete pezas para piano.

Fonte: O Portal da Lingua Galega

Os Bolechas chegan á Catedral de Santiago para presentarlles aos máis cativos o seu novo libro

O secretario xeral de Política Lingüística, Valentín García, asistiu na cripta do Pórtico da Gloria da Catedral de Santiago de Compostela á presentación do novo libro Os Bolechas van á catedral de Santiago de Compostela.

Fonte: O Portal da Lingua Galega

O Concello de Vigo organiza un obradoiro de escrita creativa en lingua galega

Este obradoiro de escrita creativa en galego, que se desenvolverá ao longo dos meses de outubro e novembro de 2022, está dirixo a quen lle guste a literatura e queira coñecer ferramentas para crear un texto literario.

Fonte: Consello da Cultura Galega

O Concello de Santiago organiza un obradoiro de recursos educativos en galego para nais e pais

O Concello de Santiago de Compostela organiza un obradoiro de carácter práctico dirixido a nais e pais que desexen coñecer materiais educativos para poder realizar unha crianza en galego.

Fonte: Consello da Cultura Galega

A Deputación da Coruña pon en marcha unha iniciativa para fomentar a lectura e o libro galego

A Deputación da Coruña organiza, ao longo do mes de outubro, a campaña «Un outono cheo de letras», unha iniciativa que se desenvolverá a través das redes sociais e coa que busca fomentar a lectura e os libros en galego como forma de dinamización desta lingua.

Fonte: Deputación da Coruña

A Xunta e Editorial Xerais presentan ‘María Casares fronte ao espello’, de Sabela Hermida, unha retrospectiva do legado da artista no seu centenario

A Xunta de Galicia e a Editorial Xerais presentaron a obra María Casares fronte ao espello, de Sabela Hermida, co gallo do centenario do nacemento da actriz coruñesa que se conmemora este ano.

Fonte: O Portal da Lingua Galega

A Asociación Festibandeira presenta o Festival Musical ‘Murallón do Son’ 2022 co apoio da Xunta

O secretario xeral de Política Lingüística, Valentín García, presentou no Pazo de San Roque o festival musical Murallón do Son, organizado pola Asociación Festibandeira na comarca do Deza para promover a través de distintas actividades musicais a igualdade, a sostibilidade, as novas músicas en galego, o comercio local e de proximidade e a defensa do noso patrimonio cultural galego.

Fonte: O Portal da Lingua Galega

A organización Galiza Nova organiza un certame de TikTok para desmontar prexuízos contra o galego

Galiza Nova convoca a primeira edición do seu certame de Tiktok ao abeiro da campaña «O galego vai contigo», co obxectivo de darlle visibilidade á comunidade galegofalante desta rede social e desmontar algúns prexuízos que existen contra o galego.

Fonte: Galicia Confidencial

Xunta e Editorial Galaxia presentan a obra de María do Cebreiro ‘Maternidades virtuosas’, Premio Ramón Piñeiro de Ensaio 2021

O secretario xeral de Política Lingüística, Valentín García, participou na presentación da obra Maternidades virtuosas, Premio Ramón Piñeiro de Ensaio 2021, da poeta e ensaísta galega e doutora en Teoría da Literatura na Universidade de Santiago de Compostela María do Cebreiro.

Fonte: O Portal da Lingua Galega

O Concello de Bueu organiza unhas xornadas de reflexión sobre o galego e un concurso de vídeos de TikTok nesta lingua

O Concello de Bueu organiza as xornadas «Bueu e a fala: o galego 3.0», que pretenden ofrecer unha reflexión arredor do emprego do galego nas redes e nos novos medios, así como a primeira edición do certame «Mergullándonos no TikTok», co obxectivo de fomentar o uso desta lingua entre a mocidade aproveitando o éxito desta rede social.

Fonte: Concello de Bueu

Boletín

Subscríbase ao boletín

Logo Feder