Galicia
A plataforma Queremos Galego organiza unha marcha a prol da lingua galega
Co lema Co galego até a fin do mundo!, a plataforma cidadá Queremos Galego organiza unha marcha a prol da lingua o sábado 21 de setembro en Fisterra.
Fonte: CTNL
A Consellería de Educación recorre o auto sobre o decreto do plurilingüismo
A Xunta xa presentou un recurso contra o auto do Tribunal Superior de Xustiza de Galicia no que se esixe a Educación que acate as sentenzas sobre o decreto do plurilingüismo.
Fonte: La Voz de Galicia
‘Peter Punk’, que promoveu o galego nas festas estivais, rematou no Porriño a súa andaina pola Rede de Dinamización Lingüística
'Peter Punk', o programa de dinamización lingüística impulsado pola Consellería de Cultura, Educación e Ordenación Universitaria para impulsar o uso e a presenza do galego no marco das festas de verán de entidades locais integrantes da Rede de Dinamización Lingüística (RDL) da Xunta de Galicia, concluíu a súa xira por 36 municipios das catro provincias.
Fonte: Xunta de Galicia
Galicia celebrou o Día da Empresa en Galego
Galicia celebrou o pasado xoves 19 de setembro o Día da Empresa en Galego como un recordo do compromiso para a promoción e apoio do uso da lingua da Comunidade no ámbito laboral, da intención de promover un "clima lingüístico" favorable nas empresas e de transmitirlles esta "filosofía" ás persoas que usan o galego e "motivar" as que non o fan.
Fonte: Galicia Hoxe
O Concello da Coruña fomentará o uso do galego a través da cultura
O Concello da Coruña presentou as accións do programa de innovación e dinamización lingüística do galego a través da cultura dentro do programa "Coruña Educa", dirixido ao alumnado de primaria e secundaria.
Fonte: El Ideal Gallego
Ensinan na Mariña a ler e escribir en galego a maiores e a inmigrantes
O Servizo de Normalización Lingüística da Mancomunidade de Concellos da Mariña imparte un obradoiro de lectura e escritura en galego para persoas maiores, de entre 60 e 80 anos, dos municipios de Alfoz, Lourenzá, A Pontenova, O Vicedo, Ourol e Xove.
Fonte: La Voz de Galicia
Está aberto o prazo de presentación de pezas para a nova edición do certame de curtas de comedia en galego ‘Somos a curta’
O alumnado das tres universidades galegas, do bacharelato artístico e das diferentes escolas de imaxe e son está convidado a participar na terceira edición do certame de curtas de comedia ‘Somos a curta’ organizado pola Comisión de Normalización Lingüística da Facultade de Ciencias da Comunicación coa colaboración da Liga Estudantil Galega.
Valentín García participa no acto de entrega da XVIII Edición do Premio Xornalístico Manuel Reimóndez Portela a Xosé Luna
O secretario xeral de Política Lingüística, Valentín García, participou no acto de entrega da XVIII Edición do Premio Xornalístico Manuel Reimóndez Portela ao estradense Xóse Luna.
Fonte: Xunta de Galicia
Renóvanse trece lectorados de lingua, literatura e cultura galegas en universidades do exterior
A Consellería de Cultura, Educación e Ordenación Universitaria publicou no Diario Oficial de Galicia a Resolución do 19 de setembro de 2013, da Secretaría Xeral de Política Lingüística, pola que se adxudican oito prazas de bolseiro/a nos lectorados de lingua, literatura e cultura galegas e mais a Resolución do 19 de setembro de 2013, da Secretaría Xeral de Política Lingüística, pola que se adxudican cinco prazas de bolseiro/a nos lectorados de lingua, literatura e cultura galegas, convocadas mediante a Orde do 8 de xullo de 2013.
Fonte: Xunta de Galicia
A Mesa pola Normalización Lingüística convoca un ano máis o Premio Abertos ao Galego
A Mesa pola Normalización Lingüística convoca un ano máis o Premio Abertos ao Galego, co que se recoñece a empresas que destacan polo seu uno normal do idioma galego.
Fonte: Galicia Confidencial
Boletín
Subscríbase ao boletín
