A Consellería de Cultura, Educación e Ordenación Universitaria colabora co Concello de Santiago de Compostela, coa Asociación Cultural Rocha Forte e mais coa Asociación de Veciños da Rocha Vella nos actos de celebración da IX Cultural da Rocha.

Fonte: Xunta de Galicia

A Consellería de Cultura, Educación e Ordenación Universitaria continúa a fornecer de actividades de lecer en galego aos concellos integrados na Rede de Dinamización Lingüística (RDL) da Xunta de Galicia a través do programa “FalaRedes 2013”.

Fonte: Xunta de Galicia

Con motivo do Día Europeo das Linguas, a Consellería de Cultura e Educación presentou a tradución ao ruso da obra fundacional do Rexurdimento galego.

Fonte: Xunta de Galicia

O Concello de Vigo creou o Centro de Interpretación da Oralidade, para recuperar, poñer en valor e transmitir o patrimonio inmaterial das tradicións orais galegas. A actividade do centro arranca o 2 de outubro.

Fonte: CTNL

O luns 30 de setembro celébrase o Día Internacional da Tradución, unha data que os tradutores galegos pretenden aproveitar para reivindicar unha "maior visibilidade" do seu papel no día a día para aproximar culturas, profesións e achegar "calidade" a unha profesión que vai máis alá de ser "bilingüe".

Fonte: Galicia Hoxe

O Pazo dos Ulloa en Esposende, Ribadavia, acolleu os membros do xurado da IX edición dos premios Bacelos de Prata, que desde hai anos concede a Asociación Álvaro das Casas ás bodegas que etiquetan en lingua galega viños de excelente calidade.

Fonte: Faro de Vigo

A Concellaría de Cultura do Concello de Fene organiza unha nova edición do festival "A mocidade coa lingua", co obxectivo de promover o uso do galego entre a xente nova no ámbito do lecer.

Fonte: Consello da Cultura Galega

Recibir un curso acelerado de inglés cunha estancia nun hotel é unha opción que cada vez cativa a máis galegos. Son varios os hoteis de Galicia que, a través do proxecto Intensive Learning, ofrecen unha fin de semana de aprendizaxe con aloxamento incluído.

Fonte: La Voz de Galicia

Novagalicia Banco (NGB) está a retroceder no uso do galego desde que é propiedade do Estado español. Así o denuncia A Mesa pola Normalización Lingüística, que afirma que “hoxe é case imposíbel asinar un contrato en galego en Novagalicia Banco”.

Fonte: Sermos Galiza

A Consellería de Cultura, Educación e Ordenación Universitaria, en colaboración co Concello de Redondela, promove o II Obradoiro Internacional de Tradución Poética ‘Con barqueira e remador’.

Fonte: Xunta de Galicia