Nestes días o Concello de Camariñas está a rematar a instalación da sinalética para lugares e aldeas do municipio. É importante o feito de que lugares afastados e pouco coñecidos sexan tamén sinalizados, servindo ao tempo de revalorización da toponimia local.

Fonte: Que Pasa na Costa

Google Play conta cunha nova aplicación chamada Sopas Galegas, que non é máis que un sinxelo xogo de sopas de letras para galegofalantes, con máis de 400 palabras seleccionadas do galego en dez categorías diferentes e sobre as que se pode picar para consultar o seu significado en Google, a Wikipedia ou o dicionario da Real Academia Galega.

Fonte: Código Cero

A presentación dunha demanda en galego é un dereito e non é un defecto de forma. É o que vén de resolver o Tribunal Superior de Xustiza de Galicia en resposta ao recurso presentado pola empresa In Side LOGISTICS contra unha demanda por despedimento, alegando “defecto de forma” por estar escrita en galego.

Fonte: Sermos Galiza

A Consellería de Cultura, Educación e Ordenación Universitaria continúa a promover o galego nas festas estivais e mais nas piscinas municipais dos concellos da Rede de Dinamización Lingüística (RDL) da Xunta de Galicia con 'Peter Punk' e 'FalaRedes'.

Fonte: Xunta de Galicia

O IES Marco do Camballón (Vila de Cruces) é o artífice do Proxecto Mámoas-Palabras de Pedra, unha iniciativa que busca a valorización da lingua e o patrimonio galegos, en concreto das mámoas de Oirós.

Fonte: Faro de Vigo

O popular xestor de contidos WordPress vén de estrear a súa versión 3.6, que xa está dispoñible en galego, e que supón unha interesante actualización para esta potente plataforma.

Fonte: Código Cero

O Servizo de Normalización Lingüística da Mancomunidade de Concellos da Mariña Luguesa organiza diversas actividades de dinamización e formación lingüística co obxectivo de fomentar o uso do galego entre a poboación mariñá.

Fonte: Consello da Cultura Galega

A Asociación de Medios en Galego (AMEGA) comeza a dar pasos en firme para mellorar e regularizar a situación dos xornais, radios, televisións ou webs que apostan polo galego como vía de comunicación. Con este obxectivo, varios membros deste colectivo entrevistáronse coa secretaria xeral de Medios, Mar Sánchez, e co secretario xeral de Política Lingüística, Valentín García. Ambos os dous comprometéronse a traballar conxuntamente coa AMEGA para potenciar a situación dos medios en galego.

Fonte: Galicia Confidencial

O BNG da Guarda presentou unha moción no Concello na que se solicita a promoción de espectáculos producidos en Galicia, así como o fomento da presenza de propostas culturais galegas nas festas populares "vinculando as subvencións concedidas con cargo aos orzamentos municipais á contratación de creadores e artistas galegos que empreguen a lingua galega tanto nos espectáculos como na publicidade de calquera evento, festa ou actividade de carácter cultural", afirman.

Fonte: Faro de Vigo

A Consellería de Cultura, Educación e Ordenación Universitaria e mais a Asociación Roberto Vidal Bolaño levan a Ribeira a exposición que conmemora o autor homenaxeado polas Letras Galegas 2013.

Fonte: Xunta de Galicia