O Servizo de Normalización Lingüística do Concello de Vigo e mais a Asociación Veciñal Doutor Fleming organizan o Curso de auga salgada, que ten como obxectivo difundir a lingua e a literatura popular relacionadas co mar (nomes dos oficios, embarcacións tradicionais, lendas…).

Fonte: Consello da Cultura Galega

Co desexo de afondar no complexo mundo das emocións e das verbas, Isabel Ferreiro, psicopedagoga do campus de Ourense, vén de realizar un estudo entre estudantes de Educación Secundaria Obrigatoria e universitarios para coñecer a imaxe e a emotividade que suscitan neles as palabras galegas máis empregadas.

Fonte: Universidade de Vigo

A Consellería de Cultura, Educación e Ordenación Universitaria, representada no secretario xeral de Política Lingüística, Valentín García, participou na presentación do musical infantil ‘A Banda do Berberecho’, unha iniciativa subvencionada polo departamento autonómico e que ten como obxectivo promover entre o público máis pequeno a cultura e os cantares máis tradicionais da nosa terra e na nosa lingua.

Fonte: Xunta de Galicia

A Consellería de Cultura, Educación e Ordenación Universitaria continúa a desenvolver a súa programación de actividades de dinamización lingüística nos concellos da Rede de Dinamización Lingüística (RDL) da Xunta de Galicia.

Fonte: Xunta de Galicia

A Consellería de Cultura, Educación e Ordenación Universitaria, representada no secretario xeral de Política Lingüística, Valentín García, participou no acto de nomeamento de Xosé Neira Vilas como Arraiano Maior 2013.

Fonte: Xunta de Galicia

A música e a poesía do concerto musical familiar “Rosalía Pequeniña”, impulsado pola Consellería de Cultura, Educación e Ordenación Universitaria, continúan o seu periplo polos concellos da Rede de Dinamización Lingüística (RDL) da Xunta de Galicia. A iniciativa, que pretende dinamizar o idioma por medio da poesía cantada e achegarlle os poemas máis coñecidos da gran poetisa do Rexurdimento galego á xente miúda da casa, chegará agora aos concellos de Tui, Cuntis e Brión.

Fonte: Xunta de Galicia

Acaba de lanzarse unha petición en liña para solicitar á empresa Apple que os seus sistemas operativos inclúan o galego como opción de idioma. A solicitude, vía change.org, está dirixida a Tim Cook, a quen lle demanda que "Apple incorpore aos seus sistemas operativos unha opción de configuración lingüística en galego para facilitar a súa utilización á comunidade lingüística que utiliza a diario esta lingua".

Fonte: Praza Pública

A Consellería de Cultura, Educación e Ordenación Universitaria e o Concello da Estrada presentaron nunha rolda de prensa o programa de actividades para conmemorar o XXV aniversario do Premio de Novela Manuel García Barros.

Fonte: Xunta de Galicia

A pesar da Iniciativa Lexislativa Popular para a recuperación dos lazos co mundo lusófono aprobada por todos os grupos para impulsar o ensino do portugués, a Xunta contrata para o vindeiro curso só un auxiliar desta lingua, fronte aos 341 de inglés.

Fonte: Galicia Confidencial

Lalín é un dos municipios galegos que, en breve, ofertará clases de chinés. As autoridades locais aspiran a que os veciños da localidade aprendan o idioma máis falado do mundo cunhas clases que comezarán a principios de outubro na aula Cemit do auditorio municipal.

Fonte: Faro de Vigo