Galicia
A plataforma Queremos Galego analiza a situación da lingua galega na Xustiza
O maxistrado da Sección Segunda da Audiencia Provincial, Xosé Xoán Barreiro Prado, e Anxos Sobriño, membro do equipo lingüístico deste tribunal, participaron nun acto organizado pola asociación Queremos Galego Marín.
Fonte: Faro de Vigo
Cultura e Educación e o Concello de Guitiriz colaborarán para difundir a obra e a figura do poeta Xosé María Díaz Castro
A Consellería de Cultura, Educación e Ordenación Universitaria e o Concello de Guitiriz colaborarán en 2014 para difundir e poñer en valor a vida e a obra de Xosé María Díaz Castro, autor ao que a Real Academia Galega (RAG) lle dedica o próximo ano as Letras Galegas.
Fonte: Xunta de Galicia
A Deputación da Coruña convoca subvencións para crear ou manter servizos de normalización lingüística nas entidades locais
A Deputación da Coruña convoca subvencións a entidades locais para a creación ou mantemento de seus servizos de normalización lingüística durante o ano 2014. O prazo de solicitude remata o 10 de decembro de 2013.
Fonte: CTNL
Xesús Vázquez Abad entrega os premios de ‘Nós tamén creamos!’, o certame escolar audiovisual de dinamización lingüística
Xesús Vázquez Abad, conselleiro de Cultura, Educación e Ordenación Universitaria, entregou os premios a curtas de animación en galego realizadas coa técnica stop-motion no marco do programa de dinamización lingüística “Nós tamén creamos!”.
Fonte: Xunta de Galicia
Cultura e Educación leva programadas xa 100 actividades de promoción do galego con ‘FalaRedes 2013’ noutros tantos concellos
A Consellería de Cultura, Educación e Ordenación Universitaria xa leva programadas un cento de actividades noutros tantos concellos da Rede de Dinamización Lingüística da Xunta de Galicia (RDL) no marco do programa “FalaRedes 2013”, promovido pola Secretaría Xeral de Política Lingüística, desde a súa posta en marcha o pasado mes de abril.
Fonte: Xunta de Galicia
O Concello de Carballo organiza un obradoiro de nanas para fomentar a transmisión interxeracional en galego
O Servizo de Normalización Lingüística do Concello de Carballo organiza a terceira edición deste Obradoiro de nanas, que ten como obxectivo principal fomentar a transmisión interxeracional en lingua galega.
Fonte: Consello da Cultura Galega
Celébrase na Universidade de Vigo un encontro internacional de lingüistas para analizar a relación entre discurso e sociedade
Un reducido número de lingüistas de renome internacional reuniuse no campus de Vigo para participar nunha xuntanza de traballo na que se analizou polo miúdo a estreita relación entre discurso e sociedade. Fixérono no Workshop Perspectives on Discourse, Grammar and Transitivity.
Fonte: Universidade de Vigo
O festival Lareta leva a Redondela os mellores espectáculos de monólogos para fomentar o uso oral da lingua galega
Esta iniciativa celébrase por segundo ano organizada polo Servizo de Normalización Lingüística. Trátase dun acto cultural que naceu co obxectivo de fomentar o uso oral da lingua galega e de promover a creación artística das persoas que apostan por esta lingua como ferramenta de traballo e medio de comunicación.
Fonte: Faro de Vigo
O xornal dixital Galicia Confidencial estrea unha sección con cuestións prácticas para a mellora do nivel de galego
Henrique Harguindey será o encargado de "Baguiño a baguiño", que pretende ser unha sección pequeniña e periódica con cuestións prácticas para a mellora do nivel de galego.
Fonte: Galicia Confidencial
O Concello do Grove convida os inmigrantes a achegarse ao galego
O Servizo de Normalización Lingüística do Concello do Grove organiza a terceira edición do curso "Achégate ao galego", destinado principalmente á poboación inmigrante e aos emigrantes retornados que residen no municipio, aínda que tamén poderá participar a veciñanza local que o desexe.
Fonte: Consello da Cultura Galega
Boletín
Subscríbase ao boletín
