Os problemas que con cada inicio de curso se fan visibles arredor do ensino do galego nalgúns centros educativos da comarca serán tema de debate no Parlamento de Galicia.

Fonte: Diario de León

O Concello de Carral puxo en marcha unha nova campaña para fomentar o uso do galego. A iniciativa consistirá na repartición de folletos nos edificios municipais e na colocación de carteis, que se poderán descargar da páxina web municipal e do blog do departamento de Cultura.

Fonte: La Opinión

O Concello de Ferrol, no marco da celebración do I Plan Local de Inmigración 2011-2014, organiza un ano máis cursos de alfabetización en lingua galega e castelá, como consecuencia da demanda do colectivo inmigrante da cidade.

Fonte: Diario de Ferrol

O Servizo de Normalización Lingüística do Grove prepara un novo curso de galego para inmigrantes, o cal podería empezar a finais deste mes ou a principios do próximo.

Fonte: Faro de Vigo

A Consellería de Cultura, Educación e Ordenación Universitaria levará esta semana o programa de dinamización lingüística “Os Axóuxeres” a tres localidades pertencentes á Rede de Dinamización Lingüística (RDL) da Xunta de Galicia.

Fonte: Xunta de Galicia

A campaña #AndroidEnGalego suma xa 2000 apoios dende o seu lanzamento, co obxectivo de urxir a Google a traducir ao galego a versión base de Android que se distribúe a todos os fabricantes e así permitirlles aos usuarios escoller este idioma nos seus dispositivos con independencia da marca.

Fonte: Galicia Hoxe

O Equipo de Dinamización da Lingua Galega do IES Breamo (Pontedeume) retoma este curso a emisión do seu programa de radio escolar Ponte en galego!

Fonte: Consello da Cultura Galega

O Foro E. Peinador proponse celebrar todos os anos o Día da Galeguidade Empresarial animando un proceso no que a lingua galega vaia ocupando espazos na sinalética, na etiquetaxe, na publicidade e nas relacións laborais, seguindo as recomendacións da Carta Europea das Linguas Rexionais ou Minoritarias e a Lei de normalización lingüística de Galicia.

Fonte: Galeguizar Galicia

A Consellería de Cultura, Educación e Ordenación Universitaria e a Asociación Roberto Vidal Bolaño clausuraron a exposición “Roberto Vidal Bolaño”.

Fonte: Xunta de Galicia

Ferrol xa pode presumir de escola en galego. Trátase de Avoaescola Ferrolterra, un espazo educativo en galego dedicado, nun primeiro momento, a nenos e nenas até os 6 anos, coa finalidade de se transformar nunha escola infantil.

Fonte: Galicia Confidencial