O Plan de Internacionalización Lingüística da Universidade de Vigo, aprobado en Consello de Goberno o pasado mes de marzo, comezará a facerse realidade nas aulas a partir de setembro co arranque dun curso no que a Universidade de Vigo oferta un catálogo de máis de 100 materias en inglés, incluído un novo mestrado, o Mestrado en Ciencias Biolóxicas, que se impartirá integramente en lingua inglesa.

Fonte: Universidade de Vigo

Un acordo entre o Concello de Santiago, o Grupo PREMIR e a Asociación Hostalería Compostela permitirá que, a partir do luns 22 e durante as Festas do Apóstolo, peregrinos e turistas reciban información básica a cargo de 16 voluntarios lingüísticos.

Fonte: Galicia Confidencial

O Grupo Popular de Galicia instou a Xunta a impulsar o consumo de produtos galegos e promover os que estean etiquetados e comercializados en lingua galega.

Fonte: Europa Press

O voceiro do grupo municipal de Esquerda Unida-Os Verdes, César Santiso, denuncia que o Goberno municipal utiliza o castelán como "vehículo habitual de expresión oral e escrita".

Fonte: La Opinión

O Servizo de Normalización Lingüística do Concello de Zas está a difundir as actividades de dinamización lingüística que se desenvolverán, en colaboración coa Rede de Dinamización Lingüística, no marco da Semana Cultural do Concello de Zas, que terá lugar entre os días 28 de xullo e 4 de agosto de 2013.

Fonte: Consello da Cultura Galega

A Deputación da Coruña deu instrucións a un funcionario para que non utilice o galego no seu traballo escrito no rexistro xeral desta institución.

Fonte: Cadena Ser

A Consellería de Cultura, Educación e Ordenación Universitaria, representada no seu secretario xeral de Política Lingüística, Valentín García, clausurou os cursos de verán de lingua e cultura galegas para persoas estranxeiras que se desenvolveron nas cidades da Coruña e de Santiago de Compostela.

Fonte: Xunta de Galicia

Os membros do Proxecto Trasno anunciaron a tradución de novos programas abertos nacionais e internacionais ao galego: por unha banda a nova versión de Apache Apache OpenOffice e, pola outra, a máis recente entrega de Libreoffice.

Fonte: Código Cero

A plataforma para iniciarse en inglés, español, portugués ou romanés, financiada pola UE, naceu en Galicia e recibe 300 000 visitas ao ano.

Fonte: Faro de Vigo

O presidente da Xunta e o da Real Academia Galega (RAG) mantiveron a primeira reunión formal tras a elección do novo responsable da RAG. Alberto Núñez Feijoo e Xesús Alonso Montero falaron dos proxectos da Academia para este ano e tamén do financiamento da institución.

Fonte: La Voz de Galicia