Galicia

Valentín García acompaña a Xesús Alonso Montero na presentación do libro 'Sobre as palabras máis fermosas do mundo'

O secretario xeral de Política Lingüística, Valentín García, acompañou o profesor e académico Xesús Alonso Montero na presentación do libro Sobre as palabras máis fermosas da lingua galega.

Fonte: O Portal da Lingua Galega

A Universidade de Santiago convoca o Premio ‘Luis Porteiro Garea’ que recoñecerá a promoción e uso do galego nesta institución

Trátase da primeira edición deste premio co que a Universidade de Santiago recoñecerá o labor de persoas ou colectivos a prol da normalización do uso do galego nesta institución académica.

Fonte: Universidade de Santiago de Compostela

Un videoensaio sobre a marxinación do galego no cine gaña un premio da Academia Galega do Audiovisual

A primeira edición dos Premios María Luz Morales de ensaio sobre o audiovisual contaba coa categoría de “Videoensaio sobre audiovisual galego”, na que resultou gañador Brais Romero coa obra Films From Galicia (?), unha visión crítica da marxinación do galego na produción audiovisual.

Fonte: Consello da Cultura Galega

Valentín García recibe a alumnado e profesorado galego en Londres

O secretario xeral de Política Lingüística, Valentín García, recibiu o alumnado e o profesorado de galego en Londres que participa na 'Viaxe da Lingua 2017’.

Fonte: O Portal da Lingua Galega

Os ‘Cadernos de Fraseoloxía Galega’ inician nova etapa coa publicación do seu volume 17

O secretario xeral de Política Lingüística presidiu a presentación do 17 volume dos Cadernos de Fraseoloxía Galega do Centro Ramón Piñeiro para a Investigación en Humanidades (CRPIH).

Fonte: O Portal da Lingua Galega

Educación abre o prazo para estender o plurilingüismo a infantil e bacharelato

O Diario Oficial de Galicia publica as resolucións polas que se regula tanto o Bacharelato de excelencia en idiomas (PluriBach), como a extensión do ensino plurilingüe a Educación Infantil (Plurinfantil).

Fonte: O Portal da Lingua Galega

Os Premios Frei Martín Sarmiento chegan á súa XIII edición recoñecendo o labor dos escritores galegos

O secretario xeral de Política Lingüística, Valentín García, participou na entrega dos Premios Frei Martín Sarmiento e REC.Curta que convocan a Consellería de Cultura e Educación e mais a Federación Española de Relixiosos do Ensino de Galicia-Centros Católicos (Ferega-Ceca).

Fonte: O Portal da Lingua Galega

Arrancan as probas de acreditación da lingua galega nas que se examinan preto de 1700 persoas

A convocatoria de probas para a obtención dos certificados de lingua galega nos niveis 1, 2, 3 e 4 do ano 2017 arrancou o 10 de xuño e nela había 1669 persoas matriculadas.

Fonte: O Portal da Lingua Galega

Inma López Silva e Xosé Ramón Pena reciben os premios Antón Losada Diéguez

Os escritores Inma López Silva e Xosé Ramón Pena recibiron en Boborás os Premios Antón Losada Diéguez, nos ámbitos da creación e da investigación literaria, respectivamente.

Fonte: O Portal da Lingua Galega

O CEIP coruñés Anxo da Garda recibe o premio Concurso-exposición Letras Galegas de infantil e primaria

O secretario xeral de Política Lingüística, Valentín García, e mais o delegado territorial da Xunta na Coruña, Ovidio Rodeiro, entregáronlle ao profesorado e ao alumnado do CEIP Plurilingüe Anxo da Garda da cidade herculina o premio na modalidade de infantil e primaria do Concurso-Exposición Letras Galegas 2017 nun acto celebrado no propio centro.

Fonte: O Portal da Lingua Galega

Boletín

Subscríbase ao boletín

Logo Feder