Galicia
Os servizos de normalización lingüística de doce concellos galegos poñen en marcha o proxecto Apego
Trátase dunha iniciativa, posta en marcha polos concellos da Baña, Carballo, Carnota, Ferrol, Narón, Negreira, Ourense, Pontevedra, Redondela, Rois, Santiago de Compostela e Vigo, que busca fomentar a transmisión interxeracional da lingua galega a través de recursos e de espazos de uso que fan posible a socialización en galego desde a primeira infancia.
Fonte: Consello da Cultura Galega
A Consellería de Cultura e Vegalsa-Eroski homenaxean a Filgueira Valverde co gallo das Letras Galegas 2015
A Consellería de Cultura, Educación e Ordenación Universitaria e mais a compañía galega de distribución alimentaria Vegalsa-Eroski colaboran un ano máis para conmemorar conxuntamente o Día das Letras Galegas.
Fonte: Xunta de Galicia
Os departamentos de galego das tres universidades de Galicia fan unha declaración conxunta en defensa da lingua galega
Os departamentos de galego das universidades de Santiago, Vigo e A Coruña aproban por unanimidade unha declaración na que expresan a súa preocupación pola situación da lingua galega e polo seu futuro.
Ponse en marcha unha campaña para fomentar o uso do galego no sector hostaleiro de Vilagarcía de Arousa
Co gallo da celebración do Día das Letras Galegas, os establecementos de hostalería vilagarciáns amosarán salvamanteis con deseños e lemas que fomenten o uso do galego.
Fonte: Consello da Cultura Galega
Os supermercados Gadis regalaranlles aos seus clientes unha recompilación de arrolos en galego
Gadis celebrará o Día das Letras Galegas con dúas iniciativas: a inclusión do homenaxeado nas bolsas da compra e unha recompilación de 50 arrolos en galego.
Fonte: La Opinión
Valentín García asistiu á presentación do libro de Xesús Alonso Montero "Filgueira Valverde e a USC antes e despois de 1936"
O secretario xeral de Política Lingüística, Valentín García, asistiu á presentación do libro de Xesús Alonso Montero Filgueira Valverde e a USC antes e despois de 1936.
Fonte: Xunta de Galicia
Cultura e Educación conmemora as Letras Galegas coa comunidade terapéutica de Proxecto Home Galicia
A Consellería de Cultura, Educación e Ordenación Universitaria conmemora un ano máis as Letras Galegas coa comunidade terapéutica de Proxecto Home en Galicia.
Fonte: Xunta de Galicia
A plataforma Queremos Galego convoca oito manifestacións para o 17 de maio en defensa da lingua galega
Esta plataforma fai un chamamento á participación nestas oito manifestacións que percorrerán as rúas das sete grandes cidades galegas e de Ribadeo.
Fonte: Galicia Hoxe
Preséntase unha iniciativa que convida, a través dun vídeo, a presumir de galego todo o ano
A Coordinadora Galega de Equipos de Normalización e Dinamización Lingüística (CGENDL) propón difundir unha mensaxe de orgullo lingüístico que transcenda o 17 de maio co vídeo “Presume de galego”.
Fonte: Consello da Cultura Galega
As páxinas web da Xunta de Galicia adoptarán o dominio .gal
Consolídase así o uso do dominio .gal para as iniciativas na internet da Xunta de Galicia. O decreto que o regula foi aprobado polo Consello da Xunta.
Fonte: Código Cero
Boletín
Subscríbase ao boletín
