O secretario xeral da Lingua, Valentín García, participou na entrega dos galardóns da terceira edición do certame de contos de terror Territorio Vákner, onde gabou a promoción do galego neste xénero literario e a iniciativa que procura o impulso á escritura en todos os niveis e para todos os públicos.

Fonte: O Portal da Lingua Galega

A directora xeral de Ordenación e Innovación Educativa, Judith Fernández, reafirmou no Parlamento o apoio da Xunta ao fomento do ensino do portugués en Galicia, un compromiso reflectido no crecemento de estudantes. Nos últimos 10 anos, o número de alumnos de portugués multiplicouse por catro, acadando neste curso un total de 4513 estudantes de 77 centros.

Fonte: O Portal da Lingua Galega

O conselleiro de Cultura, Lingua e Xuventude, José López Campos, mantivo un encontro co arcebispo de Santiago, Francisco José Prieto, para abordar distintos asuntos que teñen que ver coas súas competencias, entre eles cuestións relacionadas coa conservación do patrimonio e as posibles propostas para favorecer a presenza do galego na Igrexa.

Fonte: O Portal da Lingua Galega

O conselleiro de Cultura, Lingua e Xuventude, José López Campos, defendeu o valor das redes sociais como “ferramentas imprescindibles” para facilitar a accesibilidade e divulgación de contidos culturais. Ademais, avogou por tirar proveito das mesmas para “prestixiar e potenciar o uso do galego” entre as persoas usuarias destas plataformas, especialmente, as xeracións máis novas.

Fonte: O Portal da Lingua Galega

O secretario xeral da Lingua, Valentín García, anunciou, na súa visita á Casa de Galicia en Madrid, que o vindeiro 2025 a capital española acollerá as probas para a obtención dos certificados oficiais de lingua galega.

Fonte: O Portal da Lingua Galega

O conselleiro de Cultura, Lingua e Xuventude, José López Campos, anunciou no pleno do Parlamento que proporá a todos os grupos representados na Cámara a adopción dun acordo para declarar no 2025 o Ano Castelao, coincidindo co 75 aniversario do pasamento do intelectual.

Fonte: O Portal da Lingua Galega

A Universidade de Vigo celebrará o Día da Ciencia en galego durante o mes de novembro con diversas actividades que subliñan a importancia do idioma no ámbito científico. Entre as iniciativas, destacan as charlas de influencers galegos nas redes sociais (como Prado Rúa, Iago Gordillo e Esther Estévez) que difunden contidos en galego. Ademais, lanzarase un minidicionario científico-técnico en galego e desenvolveranse proxectos en centros educativos para promover o uso da lingua na ciencia.

Fonte: Universidade de Vigo

O secretario xeral da Lingua, Valentín García, participou na presentación da Cátedra Institucional Castelao que impulsa a Universidade de Santiago de Compostela, onde puxo en valor a contribución que fan á cultura galega os estudos de persoeiros senlleiros da historia de Galicia.

Fonte: O Portal da Lingua Galega

Os conselleiros de Cultura, Lingua e Xuventude, José López Campos, e de Sanidade, Antonio Gómez Caamaño, mantiveron un encontro para abordar medidas de impulso do galego no ámbito sanitario. Así, a reunión supuxo unha primeira toma de contacto no marco das iniciativas transversais que a Xunta de Galicia propón para dinamizar a lingua a través de distintos eidos.

Fonte: O Portal da Lingua Galega

O Centro de Interpretación da Oralidade de Vigo, creado polo Concello, presenta o programa formativo para o ano lectivo 2024-2025, que inclúe un curso de improvisación oral en verso e outro de narración oral/contacontos que se impartirán no Verbum.

Fonte: Concello de Vigo