O secretario xeral da Lingua, Valentín García, participou na presentación do libro Avó, cóntame aquel de... da autora María del Carmen Seijas López onde puxo en valor a importancia da tradición oral nesta recompilación de contos infantís en galego.

Fonte: O Portal da Lingua Galega

O secretario xeral da Lingua, Valentín García, asistiu no Museo do Mar de Galicia ao acto de entrega dos Premios Xerais 2024. As obras Detective Ferruchi, I’m Obélix e Milú e o edificio das persoas extraordinarias resultaron gañadoras do XLI Premio Xerais de Novela, o XVI Premio Jules Verne de Literatura Xuvenil e o XXXIX Premio Merlín de Literatura Infantil. As autoras dos textos son Marta Villar, Raquel Fernández Fernández e Abel Tomé, respectivamente. Cada un dos galardóns ten unha dotación de 10 000 euros.

Fonte: O Portal da Lingua Galega

A Consellería de Cultura, Lingua e Xuventude, representada no seu secretario xeral da Lingua, Valentín García, participou no cemiterio caldense de Eirín no  acto conmemorativo do Día da Restauración da Memoria Lingüística de Galicia "En galego, agora e sempre".

Fonte: O Portal da Lingua Galega

A Consellería de Cultura, Lingua e Xuventude e a de Educación, Ciencia, Universidades e Formación Profesional, colaboran unha edición máis no concurso sobre o Día das Letras Galegas dirixido aos centros de ensino público non universitario e que de cara ao ano que vén versará sobre as cantareiras e a poesía popular.

Fonte: O Portal da Lingua Galega

A Xunta publicou no Diario Oficial de Galicia as datas para a realización dos exames que permiten obter os certificados oficiais que acreditan o coñecemento da lingua galega e que se celebrarán entre o 16 e o 24 de novembro en Santiago de Compostela e Ponferrada.

Fonte: O Portal da Lingua Galega

A campaña “Polos teus dereitos lingüísticos” busca darlle visibilidade ao traballo que realiza esta organización en defensa dos dereitos lingüísticos da cidadanía.

Fonte: Consello da Cultura Galega

O Servizo de Normalización Lingüística publicou tres estudos coa microtoponimia das parroquias de Cesantes, Chapela e Ventosela, elaborados no marco do proxecto de recuperación do patrimonio inmaterial que veñen desenvolvendo desde hai tres anos.

Fonte: Consello da Cultura Galega

A Xunta propúxolles aos grupos parlamentarios actualizar o Plan de Normalización da Lingua Galega, vixente desde 2004, mediante sete grupos de traballo de especialistas que deseñen políticas lingüísticas a longo prazo. O conselleiro José López Campos subliñou a importancia dun pacto social para reforzar o uso do galego, especialmente entre a mocidade, persoas recentemente chegadas a Galicia e no ámbito tecnolóxico.

Fonte: Galicia Confidencial

A plataforma Queremos Galego organiza un acto o vindeiro 17 de novembro baixo o lema «Mudemos o rumbo. Polo futuro do galego» en resposta aos datos sobre o uso e o coñecemento da lingua galega publicados polo IGE.

Fonte: Consello da Cultura Galega

A CRTVG producirá 12 novos proxectos en galego, cunha achega de 300 000 euros. Estes contidos abranguen áreas diversas como divulgación, entretemento e cultura, e están deseñados para o ámbito dixital. Serán emitidos a través de plataformas como AGalega.gal e Xabarin.gal, dirixidos tanto ao público infantil como a audiencias máis específicas.

Fonte: CRTVG