En total son dous cursos que se impartirán de outubro a decembro: un de nivel 1 (30 horas), para persoas que desexen iniciarse na escrita creativa en lingua galega; e outro de nivel 2 (20 horas), para quen queira mellorar as súas destrezas literarias neste idioma.

Fonte: Consello da Cultura Galega

As consellerías de Cultura, Lingua e Xuventude, a través da Secretaría Xeral da Lingua, e de Política Social, a través da Dirección Xeral de Familia, Infancia e Dinamización Demográfica, e mais a Asociación Galega de Familias de Acollida (Acougo), presentaron o novo proxecto Os Bolechas. Familias acolledoras, un conxunto de materiais dirixidos á xente miúda e ás familias que participan en acollida temporal de nenos e nenas, que teñen como finalidade dinamizar o uso do galego nestes procesos.

Fonte: O Portal da Lingua Galega

O secretario xeral da Lingua, Valentín García, acompañou a Daniel Chapela na presentación da obra Biscoito de laranxa (Editorial Galaxia, 2024), peza galardoada co segundo premio na categoría de poesía na edición 2022 do certame Xuventude Crea, que promove a Xunta de Galicia a través da Consellería de Cultura, Lingua e Xuventude.

Fonte: O Portal da Lingua Galega

A Facultade de Dereito do campus de Ourense celebrou o seminario "O dereito tamén en galego", co obxectivo de destacar a importancia do galego no estudo do Dereito e nas profesións xurídicas. O evento incluíu unha conferencia sobre a historia do dereito en Galicia, ofrecida por Luis Rodríguez Ennes, e outra sobre os dereitos lingüísticos na práctica xurídica, a cargo de Elsa Quintas. Ambas abordaron a relevancia do uso do galego no ámbito legal e as dificultades que existen para a súa normalización.

Fonte: Universidade de Vigo

A Facultade de Ciencias Económicas e Empresariais da USC organiza o concurso “Mocidade ao mando”, co fin de promover a creación de contidos audiovisuais en galego sobre economía e empresa. O certame está dirixido ao alumnado da ESO, formación profesional e bacharelato de Galicia, e premiará os mellores vídeos de entre 30 e 90 segundos de duración con ata 150 euros.

Fonte: Consello da Cultura Galega

O conselleiro de Cultura, Lingua e Xuventude, José López Campos, reivindicou a Frei Martín Sarmiento como referente para a consecución dun “novo Rexurdimento” no prestixio do uso do galego que potencie o seu emprego en todos os eidos e por todas as xeracións.

Fonte: O Portal da Lingua Galega

O director xeral de Cultura, Anxo M. Lorenzo, visitou coincidindo co Día Internacional da Tradución, as residencias que se están a desenvolver simultaneamente na illa de San Simón. Trátase de iniciativas impulsadas pola Xunta de Galicia no marco do seu compromiso coa promoción da creación artística a través de propostas que chamen aos escritores e escritoras a somerxerse nun contorno especial e potenciar así a súa creatividade.

Fonte: O Portal da Lingua Galega

A Xunta de Galicia vén de publicar no Diario Oficial de Galicia e no Portal da Lingua a adxudicación de catro bolsas de formación nos lectorados de lingua, literatura e cultura galegas do centros de estudos galegos localizados na Universidade Complutense de Madrid, na Universidade da Sorbonne Nouvelle de París (Francia), na Universidade Sapienza de Roma (Italia) e na Federal da Bahía (O Brasil).

Fonte: O Portal da Lingua Galega

O escritor Miguel Rodríguez coa obra Penácaros fíxose co XXII Premio de Poesía Afundación, promovido por esta institución, pola Xunta de Galicia e o Centro PEN Galicia.

Fonte: O Portal da Lingua Galega

A Área de Normalización Lingüística abriu unha nova convocatoria de axudas para fomentar o uso do galego en teses de doutoramento e traballos de fin de grao e de mestrado, cun total de 12 000 euros. Os importes variarán entre 600 euros para as mellores teses e 150 para os TFG e TFM. As solicitudes, que poderán facerse ata o 30 de setembro, deberán acreditar a realización do traballo en galego e unha cualificación mínima de 9 nos TFG e TFM.

Fonte: Universidade de Vigo