Galicia
A Xunta adianta a celebración do Día Internacional da Tradución coa entrega do Premio Plácido Castro
O secretario xeral da Lingua, Valentín García, celebrou o Día Internacional da Tradución co acto da entrega do Premio Plácido Castro de Tradución, que na súa XXII edición recaeu en Tamara Andrés e Oriana Méndez pola obra As iluminacións, de Arthur Rimbaud.
Fonte: O Portal da Lingua Galega
Ortigueira acolle unha exposición sobre o uso do galego nas inscricións funerarias
A Asociación Cultural S.I.R. La Devesana organiza a exposición "Palabra e memoria nas parroquias de Ortigueira", na que o historiador Jerónimo Martínez documenta a evolución do uso do galego en inscricións funerarias de vinte cemiterios entre 1972 e 2024.
Fonte: Consello da Cultura Galega
Convócase unha nova edición dos premios Youtubeiras+, que por vez primeira se abre a contidos en TikTok
Xa están dispoñibles as bases para os premios Youtubeiras+, que buscan fomentar a creación de contido en galego en YouTube e TikTok. Poden participar maiores de 14 anos con canles autoproducidas, sempre que a maioría dos seus vídeos estean en galego e inclúan un posterior ao 15 de novembro de 2023 co cancelo #youtubeiras. O prazo de inscrición remata o 15 de novembro de 2024, e concederanse sete premios en metálico.
Fonte: Consello da Cultura Galega
López Campos enxalza o modelo lingüístico “cordial, integrador e sen conflitos” existente en Galicia
O conselleiro de Cultura, Lingua e Xuventude, José López Campos, enxalzou o modelo lingüístico existente en Galicia, que definiu como “cordial e integrador” e do que puxo en valor que “non xera conflitos” entre a sociedade galega. Así o defendeu tras a súa participación no Consello das Linguas Oficiais na Administración Xeral do Estado, celebrado na cidade valenciana de Alacant.
Fonte: O Portal da Lingua Galega
A Xunta celebra cun acto por adiantado o Día Europeo das Linguas xunto con alumnado compostelán
O secretario xeral da Lingua, Valentín García, participou na iniciativa desenvolvida nos soportais do Museo das Peregrinacións de Santiago, acompañado polo profesorado e alumnado do IES Arcebispo Xelmírez I, no que houbo un recitado multilingüe de poemas de distintos autores nas súas respectivas linguas de orixe europea, desde Fernando Pessoa a Walt Whitman e Rosalía.
Fonte: O Portal da Lingua Galega
López Campos anuncia a posta en marcha dun plan para impulsar o uso do galego de cara ao ano 2025
A Xunta de Galicia porá en marcha de cara a 2025 un plan para impulsar o uso do galego en distintos ámbitos da poboación e en todos os contextos da sociedade. Así o anunciou no Parlamento de Galicia o conselleiro de Cultura, Lingua e Xuventude, José López Campos, na súa resposta a unha interpelación relacionada co seu departamento na que salientou que “a política lingüística impulsada pola Administración autonómica ao longo dos últimos anos permite que Galicia teña hoxe un modelo cordial e integrador no que non existen conflitos”.
Fonte: O Portal da Lingua Galega
A Xunta, a Deputación e o Foro Peinador conmemoran o 20º aniversario do Plan de Normalización Lingüística
O secretario xeral da Lingua, Valentín García, participou no acto do Día da Galeguidade Empresarial, baixo o lema Galeguismo empresarial: comprometidos co futuro, que promove o Foro Enrique Peinador e que este ano acolleu o Pazo da Deputación Provincial de Pontevedra, coa colaboración desta institución e da Xunta de Galicia. Unha celebración que coincide co 20º aniversario da aprobación do Plan Xeral de Normalización da Lingua Galega.
Fonte: O Portal da Lingua Galega
O Libro das Horas, de Vicente Risco, en galego co apoio da Xunta
O Libro das horas, obra do escritor, intelectual e político ourensán Vicente Risco, xa se pode ler en galego en edición do selo Dr. Alveiros da Fundación Vicente Risco, que conta co apoio da Consellería de Cultura, Lingua e Xuventude, por medio da Secretaría Xeral da Lingua. O volume, publicado por primeira vez en 1961, recupera e recompila textos risquianos da sección xornalística “Horas” do diario La Región.
Fonte: O Portal da Lingua Galega
O Carvalho_pt-gl, modelo xerativo de linguaxe bilingüe para galego e portugués, resulta galardoado no congreso internacional EPIA2024
O congreso internacional EPIA2024 recoñeceu co Best Application Paper Award o traballo "A Galician-Portuguese Generative Model", liderado por Pablo Gamallo no marco do Proxecto Nós da USC. Este modelo xerativo, deseñado para procesar galego e portugués europeo, representa un avance na integración destas linguas nos sistemas de intelixencia artificial. Adestrado no supercomputador Finisterrae III, o modelo destaca pola súa innovación no tratamento de linguas minoritarias. O recoñecemento subliña a importancia de promover a diversidade lingüística nos avances tecnolóxicos.
A Xunta e Galaxia presentan o ensaio ‘Economía e poesía: Rimas internas’, gañador do Premio Ramón Piñeiro 2023
O secretario xeral da Lingua, Valentín García participou no Pazo de San Roque na presentación de Economía e poesía: Rimas internas, o primeiro ensaio escrito por Yolanda Castaño e co que acadou, o pasado decembro, o XXII Premio Ramón Piñeiro de Ensaio convocado pola Xunta de Galicia e a Editorial Galaxia co apoio de Caixa Rural Galega.
Fonte: O Portal da Lingua Galega
Boletín
Subscríbase ao boletín
