Galicia
O DOG publica a resolución das axudas concedidas a empresas que realizan publicacións periódicas en galego
A Secretaría Xeral de Medios da Xunta resolveu a convocatoria de axudas destinadas a empresas que realizan publicacións periódicas escritas integramente en galego.
Fonte: Consello da Cultura Galega
Rueda reivindica figuras como a de Rosalía de Castro como símbolo da irmandade entre Galicia e Portugal
O presidente da Xunta, Alfonso Rueda, participou no acto conmemorativo do 70 aniversario da inauguración da estatua en homenaxe a Rosalía de Castro na cidade de Porto, onde destacou que a obra da autora galega transcendeu fronteiras, sendo un exemplo de irmandade entre os pobos galego e portugués, unidos por unha historia, cultura e lingua compartidas.
Fonte: O Portal da Lingua Galega
Valentín García avoga por prestixiar o uso do galego no eido familiar e en todos os contextos da sociedade
O secretario xeral da Lingua, Valentín García, incidiu en que “estamos nunha sociedade en constante cambio, o que leva consigo tamén mudanzas sociais que involucran a lingua, presente en todos os ámbitos da vida, como no que ten que ver coas crenzas ou as tradicións”. Así o destacou durante a súa participación na inauguración dos XXVI Encontros para a Normalización Lingüística que organiza o Consello da Cultura Galega, co apoio da Consellería de Cultura, Lingua e Xuventude.
Fonte: O Portal da Lingua Galega
A Xunta homenaxea a Ledicia Costas co Día das Escritoras como recoñecemento á súa difusión da lingua e literatura galegas dentro e fóra de Galicia
A Xunta de Galicia homenaxeará a Ledicia Costas co Día das Escritoras como “xusto recoñecemento pola súa difusión da lingua e literaturas galegas dentro e fóra de Galicia”. Deste xeito, o 17 de outubro, a Cidade da Cultura acolle un acto aberto ao público, nunha conversa guiada pola xornalista e tamén autora María Solar.
Fonte: O Portal da Lingua Galega
O Concello de Ames organiza unha nova edición do certame Galetiktokers para estimular a creatividade en galego entre a mocidade
O Concello de Ames presenta a quinta edición do certame Galetiktokers, dirixido á mocidade, para promover a creación de contido audiovisual en galego nas redes sociais. Os participantes, de entre 13 e 35 anos, poden optar a premios por un total de 1800 euros. O concurso busca fomentar o uso do galego entre a xuventude, especialmente en espazos dixitais como TikTok e Instagram. As pezas audiovisuais deben ser en galego e poden tratar temas libres, co obxectivo de visibilizar e valorizar o idioma.
Fonte: Concello de Ames
A Universidade de Santiago organiza un certame para promover o uso do galego entre o alumnado de Veterinaria
O Servizo de Normalización Lingüística da USC organiza en Instagram o certame #cambiaatúamirada, dirixido ao alumnado de Veterinaria, co obxectivo de fomentar unha actitude positiva cara á cidade de Lugo e á cultura e a lingua galegas. A través desta iniciativa, que inclúe un sorteo de pixamas veterinarios, búscase promover o uso do galego no ámbito universitario. As persoas participantes deben seguir o perfil @linguausc e colaborar na difusión das mensaxes da campaña.
O Premio Otero Pedrayo 2024 recoñece a traxectoria artística de máis dun século da Coral de Ruada
O xurado do Premio Otero Pedrayo, impulsado pola Xunta de Galicia e as catro deputacións provinciais, vén de fallar o galardón deste 2024 a favor da Coral de Ruada. Na xuntanza, na que participaron o secretario xeral da Lingua, Valentín García, e o director xeral de Cultura, Anxo M. Lorenzo, elixiron esta agrupación pola súa traxectoria de máis dun século levando a música tradicional galega a grandes festivais nacionais e internacionais e tamén polo seu labor na promoción de actividades de formación de teatro e da escola de música.
Fonte: O Portal da Lingua Galega
A xornalista Julia Díaz logra o Premio da Cultura Galega 2024 na categoría de Lingua
Julia Díaz Sixto, xornalista e presidenta do Club de Prensa de Ferrol, recibiu o Premio da Cultura Galega na categoría de Lingua. O xurado deu a coñecer as oito persoas galardoadas na edición deste ano polo seu traballo no ámbito da creación, conservación e difusión cultural.
Fonte: Consello da Cultura Galega
A enquisa do IGE pon de manifesto que 7 de cada 10 persoas se comunican en galego
A Enquisa estrutural a fogares, coñecemento e uso do idioma galego publicada polo Instituto Galego de Estatística reflicte que 7 de cada 10 persoas se comunican en lingua galega. Así o explicou o secretario xeral da Lingua durante a presentación das últimas novidades do portal Neofalantes.gal, a plataforma divulgativa e educativa posta en marcha en colaboración coa Universidade de Santiago de Compostela para analizar o proceso de incorporación do uso do galego por parte das persoas que tiveron outro idioma como primeira lingua.
Fonte: O Portal da Lingua Galega
A Xunta tirará proveito do potencial dos neofalantes e das persoas non nadas en Galicia para incrementar o prestixio e emprego do galego
A Xunta de Galicia centrará nos neofalantes e nas persoas non nadas en Galicia as súas políticas lingüísticas para incrementar o prestixio e o uso do galego, tanto a través do novo Plan de dinamización do galego de cara a 2025, como na campaña de «Saca a lingua que levas dentro».
Fonte: O Portal da Lingua Galega
Boletín
Subscríbase ao boletín
