As dúas actividades, destinadas ao PDI desta universidade, desenvolveranse en liña , entre o 14 de outubro e o 15 de decembro de 2024: Curso de actualización de competencias lingüísticas e Curso superior de competencias lingüísticas.

Fonte: Consello da Cultura Galega

O conselleiro de Cultura, Lingua e Xuventude, José López Campos, participou nos actos de celebración do 140 aniversario do nacemento de Vicente Risco, organizados en Allariz pola fundación dedicada ao intelectual.

Fonte: O Portal da Lingua Galega

O secretario xeral da Lingua, Valentín García, participou na apertura das xornadas «O futuro das localizacións nas novas tecnoloxías do audiovisual» promovidas pola Asociación de Produtoras independentes de Lugo, April, onde puxo en valor a promoción do uso da lingua galega no sector.

Fonte: O Portal da Lingua Galega

O Concello da Laracha lanza unha nova edición do programa "A Laracha acolle", destinado a favorecer a inclusión social e cultural das persoas inmigrantes, con especial atención ás mulleres. O programa inclúe un taller de alfabetización nas linguas oficiais de Galicia, centrado na autonomía lingüística e a igualdade de xénero, e o espazo cultural "Exprésa-T", que promove o intercambio cultural e a convivencia coeducativa.

Fonte: Concello da Laracha

A Universidade de Vigo abriu a inscrición para os cursos de galego do primeiro cuadrimestre do curso 2024/2025, dirixidos á comunidade universitaria. A oferta inclúe formación en iniciación á lingua, calidade lingüística en traballos académicos, linguaxe administrativa, erros comúns e escritura en internet. As clases, todas en liña, celebraranse entre outubro e novembro de 2024.

Fonte: Consello da Cultura Galega

O secretario xeral da Lingua, Valentín García, participou na entrega do galardón do XVIII Premio de Narrativa Breve Repsol ao escritor e xornalista Alberto Ramos pola súa obra Pirotecnia. Tal e como lembrou o representante da Consellería de Cultura, Lingua e Xuventude, este certame conta co apoio da Xunta de Galicia co fin de reforzar a creación literaria en galego e promover o uso social da lingua.

Fonte: O Portal da Lingua Galega

O secretario xeral da Lingua, Valentín García, asistiu ao acto As tres Negreira de Galicia, que acolleu a Casa do Concello de Negreira.

Fonte: O Portal da Lingua Galega

O secretario xeral da Lingua, Valentín García, asistiu en Merza á EFerro Foliada, organizada pola Asociación Cultural Zoqueira de Merza coa colaboración da Consellería de Cultura, Lingua e Xuventude.

Fonte: O Portal da Lingua Galega

O secretario xeral da Lingua, Valentín García, asistiu ás actividades do Festival Internacional de Cinema de Bueu na última xornada desta 17ª edición, que se desenvolve co apoio da Xunta de Galicia como cita estratéxica para o audiovisual galego.

Fonte: O Portal da Lingua Galega

A escola de música A Casa do Rock poralle o ramo ao Festival Go!Go!Zo! cunha macroactuación no Monte do Gozo apoiada pola Xunta de Galicia na que participarán máis de 500 amantes do rock de Galicia. O secretario xeral da Lingua, Valentín García, presentou a iniciativa acompañado por Julio Asorey, organizador do festival, e por Adrián Hernández, un dos fundadores da Casa do Rock.

Fonte: Xunta de Galicia