O conselleiro de Cultura, Educación e Ordenación Universitaria, Román Rodríguez, participou na rolda de prensa de presentación da programación de actividades conmemorativa do centenario das Irmandades da Fala, un acto conxunto celebrado coa Real Academia Galega, o Consello da Cultura Galega, a Deputación da Coruña e o Museo do Pobo Galego.

Fonte: Xunta de Galicia

Coa etiqueta #signaCastelao en Twitter preténdese contribuír á difusión e normalización do signo co que se identifica a Castelao na lingua de signos. O obxectivo desta campaña é concienciar a poboación sobre a necesidade de fomentar a inclusión e a integración do conxunto da sociedade.

Fonte: Deputación de Pontevedra

A plataforma Queremos Galego concentrouse perante o Concello de Lugo para defender a ordenanza municipal de uso do galego, anulada parcialmente por unha sentenza do Tribunal Superior de Xustiza de Galicia.

Fonte: El Progreso

O secretario xeral de Política Lingüística, Valentín García, presentou na Cidade da Cultura 'Xente miúda, moita fartura', a nova actividade do programa de dinamización lingüística FalaRedes que a Consellería de Cultura e Educación, por medio da Secretaría Xeral de Política Lingüística, lles destina ás entidades adscritas á Rede de Dinamización Lingüística (RDL) da Xunta de Galicia.

Fonte: Xunta de Galicia

A Unidade Técnica de Normalización Lingüística organiza a convocatoria do Premio “Rosalía de Castro” coa finalidade de recoñecer a promoción do patrimonio lingüístico galego.

Fonte: Consello da Cultura Galega

O secretario xeral de Política Lingüística, Valentín García, asistiu no Auditorio Municipal á actividade 'A viaxe de Rosalía', que está a chegar a 13 concellos da Rede de Dinamización Lingüística da Xunta de Galicia no marco do programa FalaRedes 2016.

Fonte: O Portal da Lingua Galega

Ademais de dar acceso ao profesorado de lingua galega aos cursos PIALE, a Consellería de Educación incrementou a oferta de prazas para formarse en portugués.

Fonte: Sermos Galiza

A Real Academia Galega inaugura na súa web unha nova sección, "As Irmandades da Fala nos Fondos da Academia", na que irá amosando documentos e publicacións relacionados coas Irmandades da Fala.

Fonte: Real Academia Galega

Entre os cursos que convoca a Deputación está o de “Lingua galega en documentos administrativos” cuxo prazo de inscrición remata o 1 de abril.

Fonte: Consello da Cultura Galega

Unha 'travesía lingüística e literaria' polas rías de Muros e Noia e Arousa para 'viaxar' a través dos persoeiros relevantes da nosa lingua e cultura que viñeron ao mundo, habitaron ou se inspiraron nesta fermosa zona da nosa terra.

Fonte: O Portal da Lingua Galega