Galicia
Valentín García entrega os premios do IV Rally Matemático e Científico sen Fronteiras
A Consellería de Cultura, Educación e Ordenación Universitaria, representada no secretario xeral de Política Lingüística, Valentín García, participou no acto de entrega de premios do IV Rally Matemático e Científico sen Fronteiras.
Fonte: O Portal da Lingua Galega
Conclúen as probas da primeira convocatoria Celga 2016 á que concorreron 1575 persoas para acreditar o seu nivel en galego
A Consellería de Cultura, Educación e Ordenación Universitaria, por medio da Secretaría Xeral de Política Lingüística, rematou as probas da primeira convocatoria de exames de acreditación da lingua galega para o ano en curso. A elas presentáronse, na capital de Galicia e mais en Ponferrada, un total de 1575 persoas das 1816 inicialmente matriculadas, o que supón un índice de participación do 80,56 %.
Fonte: O Portal da Lingua Galega
A Universidade de Santiago convoca a segunda edición do concurso Mazarelos na procura de novos valores da literatura en galego
O concurso literario Mazarelos chega á súa segunda edición e a el poderase presentar o alumnado cunha obra de calquera xénero literario e de calquera tema, sempre que sexa orixinal e en galego.
A web Primavera das Letras achega recursos didácticos relacionados co Día das Letras Galegas
O proxecto, posto en marcha pola Real Academia Galega e presentado no CEIP Curros Enríquez da Coruña, achega a través da súa web distintos materiais didácticos para o alumnado de Infantil e de Primaria.
Fonte: Real Academia Galega
O Concello de Betanzos convoca o seu concurso de creación literaria co que se pretende fomentar a creatividade en galego
O concurso, destinado ao alumnado da localidade, chega á súa sexta edición e con el búscase fomentar a escritura creativa e dinamizar o galego.
Fonte: La Voz de Galicia
A Universidade de Vigo acolle un wikimaratón para enriquecer os contidos da Wikipedia en galego
A Comisión de Normalización Lingüística da Facultade de Filoloxía e Tradución da Universidade de Vigo organiza un wikimaratón para dar a coñecer o funcionamento da Galipedia.
Valentín García entrega na Estrada os premios do Certame 'Cores con Palabras'
O secretario xeral de Política Lingüística, Valentín García, entregou os premios do Certame de Poesía Cores con Palabras, que recaeron en 12 alumnos e alumnas de 6º curso de primaria do CEIP estradense do Foxo.
Fonte: O Portal da Lingua Galega
A Universidade de Santiago convoca a segunda edición do Premio de Radiodramas en galego
A Comisión de Normalización Lingüística da Facultade de Ciencias da Comunicación coa colaboración do Servizo de Normalización Lingüística convoca este premio aberto ao alumnado da Universidade de Santiago e ao das titulacións de Comunicación Audiovisual da Coruña e Vigo e o das escolas de Imaxe e Son de Galicia.
A XVIII edición dos “Encontros para a Normalización” pon o foco no uso da lingua galega entre a mocidade
O Centro de Documentación Sociolingüística de Galicia (CDSG) do Consello da Cultura Galega (CCG) organiza este encontro co obxectivo de coñecer os motivos polos que os máis novos usan unha lingua ou outra.
Fonte: Consello da Cultura Galega
'A viaxe de Rosalía' chega esta fin de semana a Santa Comba no marco do FalaRedes 2016 de Cultura e Educación
A Consellería de Cultura e Educación programa unha nova actividade para esta fin de semana no marco do programa de dinamización lingüística FalaRedes.
Fonte: O Portal da Lingua Galega
Boletín
Subscríbase ao boletín
