Galicia
A Universidade de Santiago acolle a presentación do Protocolo de garantía de dereitos lingüísticos
A Facultade de Filosofía da Universidade de Santiago de Compostela (USC) acolle o acto de presentación en Galicia do Protocolo internacional de garantía de dereitos lingüísticos, un documento elaborado no marco de "Donostia 2016". O acto está organizado pola propia USC e pola Mesa pola Normalización Lingüística.
Fonte: Consello da Cultura Galega
O Premio Torrente Ballester terá por vez primeira unha categoría específica en lingua galega
A Deputación da Coruña, que é quen convoca o Torrente Ballester, introduciu como novidade nesta edición un premio específico en lingua galega cuxa dotación é de 25 000 euros.
Fonte: Cadena Ser
A quinta edición de "Somos a curta!" premiará a mellor curta de comedia en lingua galega
O Certame de curtas de comedia da Facultade de Ciencias da Comunicación, que conta coa colaboración do Servizo de Normalización Lingüística da USC, entregará dous galardóns de 450 e 250 euros respectivamente.
Fonte: Xornal da USC
Preséntase un volume coa tradución ao galego de dous tratados de Ovidio
O libro Arte de amar. Remedios do amor de Ovidio inclúe dous tratados traducidos ao galego deste autor latino.
A Consellería de Cultura e Educación presenta na Coruña o V Festival Arte pola Igualdade
A Consellería de Cultura, Educación e Ordenación Universitaria presentou na Coruña o V Festival Arte pola Igualdade, que acollerá o Teatro Colón o vindeiro luns 30 de maio.
Fonte: O Portal da Lingua Galega
A Laracha, Gondomar, Vilagarcía de Arousa, Cuntis, A Rúa e Betanzos acollen esta fin de semana as actividades do 'FalaRedes'
A Consellería de Cultura e Educación leva esta fin de semana aos concellos da Laracha, Gondomar, Vilagarcía de Arousa, Cuntis, A Rúa e Betanzos as propostas de dinamización lingüística do programa FalaRedes.
Fonte: O Portal da Lingua Galega
O Concello de Lugo formará parte do proxecto de dinamización lingüística Apego
O pleno do Concello de Lugo aprobou por unanimidade a proposta para integrarse no proxecto Apego, unha iniciativa de fomento do uso do galego da que xa forman parte 34 municipios.
Fonte: El Progreso
Modesto Fraga recibe o XIX premio de poesía Concello de Carral pola súa obra ‘Devalar sen pel’
Modesto Fraga recibiu o premio do XIX Certame de Poesía Concello de Carral, pola súa obra Devalar sen pel, nun acto no que tamén se presentou a edición do poemario gañador na pasada edición de 2015, Soño e vértice, de Eva Veiga, publicado co apoio da Consellería de Cultura e Educación.
Fonte: O Portal da Lingua Galega
Remata a terceira edición do programa de dinamización lingüística Dragal
A terceira edición do programa dinamización lingüística Dragal, que promove a Secretaría Xeral de Política Lingüística a través dos equipos de dinamización da lingua galega, pechouse coa derradeira das actividades deseñadas para este curso académico: a entrega de diplomas de participación e o xogo de rol do “Encontro da Fraternidade”.
Fonte: O Portal da Lingua Galega
Cultura e Educación e a Asociación da Prensa da Coruña presentan o libro "Antón Villar Ponte e as Irmandades da Fala"
A Asociación da Prensa da Coruña e a Consellería de Cultura, Educación e Ordenación Universitaria presentan o libro Antón Villar Ponte e as Irmandades da Fala, unha obra que acaba de ver a luz co obxectivo de difundir a relevancia deste movemento histórico no desenvolvemento cultural de Galicia, así como o labor das persoas que o impulsaron.
Fonte: O Portal da Lingua Galega
Boletín
Subscríbase ao boletín
