Galicia
Nos últimos cinco anos quintuplicáronse as solicitudes de axudas á investigación en lingua galega
Co obxectivo de incentivar e visibilizar o galego na ciencia, as universidades galegas, co apoio da Consellería de Cultura, Educación e Ordenación Universitaria, convocan axudas á investigación en lingua galega.
Fonte: Universidade de Vigo
Yoigo inclúe o galego entre as linguas nas que emitirá as facturas para os seus clientes
A compañía de telecomunicacións incluirá o galego entre os idiomas nos que emite as facturas aos clientes logo de reiterados convites feitos pola Mesa pola Normalización Lingüística.
Fonte: Sermos Galiza
A Coordinadora de Traballadores/as de Normalización da Lingua cumpre vinte anos
Cúmprense vinte anos dende a celebración da primeira asemblea da Coordinadora de Traballadores/as de Normalización da Lingua (CTNL).
Fonte: CTNL
O Concello de Pontevedra organiza unha nova edición do programa de dinamización lingüística Ben Veñas, Maio
No programa de fomento do galego Ben Veñas, Maio participarán os once IES e CIFP públicos de Pontevedra. O programa inclúe certames de fotografía, banda deseñada, narración curta, poesía, teatro e música.
Fonte: Concello de Pontevedra
O XXXII Premio de Poesía Cidade de Ourense galardoará obras en lingua galega ou portuguesa
Os traballos poderán presentarse en lingua galega ou portuguesa ata o vindeiro 22 de abril e o gañador recibirá un premio de 6000 euros e a publicación da obra.
Fonte: Galicia Confidencial
O proxecto "Modernízate: pon boina" busca promover o uso do galego asociando moda e lingua
Creado e desenvolto por alumnos de dous centros educativos composteláns, o proxecto ten como principal obxectivo actualizar os valores da lingua galega.
Fonte: El Correo Gallego
Política Social e Educación xúntanse para dinamizar o galego entre a mocidade nunha nova edición do certame ‘Lingua de Namorar’
A Xunta de Galicia, a través da Dirección Xeral de Xuventude, Participación e Voluntariado da Consellería de Política Social e da Secretaría Xeral de Política Lingüística da Consellería de Cultura, Educación e Ordenación Universitaria, vén de presentar unha nova edición de ‘Lingua de Namorar’, o concurso de mensaxes de amor dirixido á xuventude.
Fonte: Xunta de Galicia
O Servizo de Normalización Lingüística da USC analiza os datos sobre usos lingüísticos na actividade docente no curso 2015-2016
O último número da publicación dixital O Cartafol amosa os datos sobre usos lingüísticos na actividade docente no curso 2015-2016 na Universidade de Santiago de Compostela (USC).
Fonte: Consello da Cultura Galega
Danse a coñecer os gañadores do Premio Xoán Manuel Pintos 2016 que recoñecen o labor de impulso do galego dos galardoados
O humorista gráfico Luís Davila e a agrupación de teatro Migallas son os gañadores dos Premios Xoán Manuel Pintos 2016 convocados polo Concello de Pontevedra e a Rede Amiga da Lingua (REAL).
Fonte: Faro de Vigo
O Concello de Redondela organiza obradoiros de recursos en galego no marco do programa Apego
Co obxectivo de promover o galego entre nenos de 0 a 6 anos a Concellería de Cultura de Redondela organiza actividades de dinamización lingüística en Redondela e Chapela.
Fonte: SNL de Redondela
Boletín
Subscríbase ao boletín
