Galicia
A Coordinadora de Traballadores/as de Normalización da Lingua pon en marcha un ano máis a iniciativa "Que se vexa! O galego"
Co gallo da celebración do Día das Letras Galegas, a Coordinadora de Traballadores/as de Normalización da Lingua pon en marcha esta iniciativa co obxectivo de darlle maior visibilidade ao galego en todas as situacións sociais.
Fonte: CTNL
Os Premios da Crítica en galego recaen en Manuel Rivas e María do Cebreiro
Manuel Rivas gañou o Premio da Crítica na categoría de Narrativa en galego pola súa novela O último día de Terranova, mentres que María do Cebreiro fixo o propio no apartado de Poesía co poemario O deserto.
Fonte: Faro de Vigo
O Día das Letras Galegas celebrarase no Gaiás cun recital colectivo homenaxe a Manuel María e un obradoiro de rap
A Consellería de Cultura, Educación e Ordenación Universitaria celebrará o Día das Letras Galegas no Gaiás cunha homenaxe cidadá a Manuel María a través dun espectáculo multimedia que inclúe lectura de poemas, música en directo, vídeo-creacións e ata un obradoiro de rap.
Fonte: O Portal da Lingua Galega
O Concello de Moaña organiza actividades para fomentar a lectura en galego
As actividades, organizadas polo Servizo de Normalización Lingüística e a Biblioteca Municipal, van dirixidas ao público familiar e desenvolveranse ao longo dos meses de abril, maio e xuño.
Fonte: Consello da Cultura Galega
Os concellos de Galicia recibirán axudas para a dotación de novidades editoriais en galego
As axudas están convocadas pola Consellería de Cultura, Educación e Ordenación Universitaria e os concellos interesados teñen un mes de prazo para presentar as súas solicitudes.
Fonte: Consello da Cultura Galega
O Concello de Ourense convoca o VII Certame de Cinema OUFF Escola para impulsar o uso do galego entre a mocidade
O Concello de Ourense, en colaboración coa Secretaría Xeral de Política Lingüística da Xunta de Galicia, convoca o certame no que poderá participar o alumnado de ensino non universitario matriculado no curso 2015/2016.
Fonte: Consello da Cultura Galega
Pontevedra celebrará unha nova edición do Galegote Rock para promover os grupos musicais que cantan en galego
Os concertos, organizados polo Servizo de Normalización Lingüística do Concello, celebraranse os días 12, 13 e 14 de maio co obxectivo de promover o galego no ámbito do lecer.
Fonte: Consello da Cultura Galega
Chega o Festiletras a Ponteceso para conmemorar o Día das Letras Galegas
A aldea do Couto acollerá unha ampla programación de actividades culturais para festexar o Día das Letras Galegas.
Fonte: Consello da Cultura Galega
Valentín García participa en Carral no XIII Congreso da Mocidade pola Lingua
O secretario xeral de Política Lingüística, Valentín García, participou no XIII Congreso da Mocidade pola Lingua, que organizou o Concello de Carral no marco do Acto en Lembranza aos Mártires de Carral.
Fonte: O Portal da Lingua Galega
A Televisión de Galicia elabora unha reportaxe sobre un programa de Radio Cornellà que se emite en galego
A TVG elabora a reportaxe para conmemorar o 30 aniversario do programa "Siempre en Galicia" destinado a dar a coñecer a lingua e cultura galegas.
Fonte: El Periódico
Boletín
Subscríbase ao boletín
