Galicia
Valentín García destaca a importancia da etiquetaxe en galego como sinal de identidade e proximidade
O secretario xeral de Política Lingüística, Valentín García, destacou na apertura da xornada "Etiqueta na túa lingua, camiña polo mundo con identidade" a importancia e o valor da etiquetaxe en galego como sinal de identidade e proximidade, tanto para o tecido empresarial como para o público consumidor.
Fonte: O Portal da Lingua Galega
A Galipedia organiza un concurso para ilustrar a María Victoria Moreno, autora homenaxeada nas Letras Galegas 2018
A Galipedia, a enciclopedia libre en galego, está a organizar un concurso de debuxo para o artigo sobre María Victoria Moreno, a vindeira homenaxeada no Día das Letras Galegas.
Fonte: Galicia Confidencial
O Concello da Coruña presenta o seu programa de actividades para fomentar o uso do galego en distintas franxas de idade
O alcalde da Coruña presentou o programa de actividades de promoción do galego para este outono, un programa que inclúe catro liñas con diferentes obxectivos e destinadas a distintos públicos.
Fonte: Concello da Coruña
Descende a produción editorial en lingua galega
Segundo un estudo, a produción editorial en lingua galega descendeu un 13,1 % o ano pasado, un dato que contrasta co aumento que experimentaron éuscaro, catalán e castelán.
Fonte: El Correo Gallego
A Cidade da Cultura homenaxea a Novoneyra cun concerto de Uxía que cantará os seus poemas
A Cidade da Cultura, no marco de programas de actividades asociadas á exposición de Antón Lamazares Flor Novoneyra, acollerá o sábado 14 de outubro un concerto de Uxía onde a artista interpretará temas do seu novo disco, no que canta poemas de Uxío Novoneyra.
Fonte: O Portal da Lingua Galega
‘De Chispa a Tatá’ leva Os Bolechas a Barro, Caldas de Reis e Castro Caldelas co ‘FalaRedes’
O ‘FalaRedes’, programa que impulsa a Xunta de Galicia, por medio da Secretaría Xeral de Política Lingüística, nos concellos que forman parte da Rede de Dinamización Lingüística (RDL), fará parada esta fin de semana nos municipios de Barro, Caldas de Reis e Castro Caldelas.
Fonte: O Portal da Lingua Galega
O proxecto Apego resulta galardoado nos Premios da Cultura Galega na categoría de Lingua
O Premios da Cultura Galega 2017 recoñecen o labor no ámbito da creación, conservación e difusión cultural en Galicia en diferentes ámbitos. Na categoría de Lingua desta edición, outorgóuselle o premio ao proxecto Apego, un programa que ten como obxectivo fomentar a transmisión do galego como lingua inicial e a socialización neste idioma entre os nenos e nenas de 0 a 6 anos.
Fonte: Consello da Cultura Galega
O número 32 de ‘Ágora do Orcellón’ réndelle tributo ao filósofo Mario Augusto Bunge
O secretario xeral de Política Lingüística, Valentín García, participou no acto de presentación do número 32 da revista Ágora do Orcellón, que edita o Instituto de Estudios Carballiñeses coa colaboración da Consellería de Cultura e Educación.
Fonte: O Portal da Lingua Galega
A Real Academia Galega reivindica nunha xornada a recuperación das formas autóctonas dos nomes e os apelidos
Durante unha xornada dedicada á onomástica celebrada en Pontevedra, a Real Academia Galega reivindicou o patrimonio individual e colectivo vinculado aos nomes e apelidos galegos.
Fonte: RAG
Román Rodríguez visita o lectorado de galego na Universidade de Roma
O conselleiro de Cultura, Educación e Ordenación Universitaria, Román Rodríguez, visitou o lectorado de galego da Sapienza Università di Roma (Italia).
Fonte: O Portal da Lingua Galega
Boletín
Subscríbase ao boletín
